Ուրվագիծ. Արման Մուսինյան

Պայքարը շարունավելու է

Կոնգրեսը ընդունեց որոշում չմասնակցելու որևէ կերպ գալիք նախագահական ընտրություններին: Իհարկե` այս որոշումը չի նշանակում պայքարի ավարտ: Սա նշանակում է, որ մենք բաց ենք թողնում քաղաքական այս փուլը: Սա ընդհամենը մեր երկարատև պայքարի ճանապարհին ընկած 2-3 ամիս տևողությամբ դադար է, որը, եթե հիշում էք առաջինը չէ:
Պայքարը չի կարող ավարտվել, քանի դեռ մեր երկիրը կործանման վտանգի տակ է, քանի դեռ մեզ շարունակում են թալանել, սպանել, բանտարկել, քանի դեռ պատժված չեն տարիներ շարունակ ՀՀ քաղաքացիներին հալածողները, Հոկտեմբերի 27, Մարտի 1 կազմակերպողները:
Կոնգրեսը և նրա առաջնորդ՝ հինադիր նախագահ Լևոն Տեր-Պետրոսյանը դեռևս չեն ավարտել իրենց պատմական առաքելությունը: Եվ քանի դեռ Հայաստանում մնացել են կամք ու արժանապատվություն ունեցող քաղաքացիներ, պայքարը շարունավելու է:
Անկասկած՝ մենք հասնելու ենք թե՛ մեր ընկերների ազատությանը և թե՛ Սերժ Սարգսյանի գլխավորած հանցախմբի տապալմանը:

Շնորհավոր գալիք Ամանորն ու Սուրբ Ծնունդը և թող 2013-ին հաղթի Ազատությունը:

Արեգ Գևորգյան

ՀԱԿ երիտասարդները Տեր-Պետրոսյանի որոշման մասին

Լևոն Տեր-Պետրոսյանի գլխավորությամբ մենք շարունակում ենք պայքարը Հայաստանում ձևավորված հանցավոր ռեժիմի դեմ:

Հաղթելո՛ւ ենք. Եթե բոյկոտ, ապա ակտիվ

Լուսանկարը՝ Անի Գևորգյանի

2008-ից ի վեր մենք ձևակերպել էինք կարևորագույն երկու նպատակ. հանցավոր ռեժիմի տապալում և ազատ ընտրությունների միջոցով օրինակարգ իշխանությունների ձևավորում: Հիմա առաջինը թողած՝ ընկել ենք երկրորդի ետևից: 

Գալիք նախագահական ընտրությունները և դրանից բնականորեն առաջացող քաղաքացիական ակտիվությունն առավելագույնս պետք է օգտագործվեն Սերժ Սարգսյանին ու նրա մերձավորներին պաշտոնանկ անելու համար: Միայն այս բանից հետո մենք կանցկացնենք արժանապատիվ Հայաստանին վայել ընտրություններ ու կմտածենք դրանցում հաղթելու մասին:

Հ.Գ. Ստեղծված իրավիճակում բոյկետը կարող է քննարկվել, որպես առաջնային նպատակի իրականացմանը նպաստող գործընթաց: Սակայն միևնույն ժամանակ պասիվությունն ու անգործությունը անթույլատրելի են ռեժիմի դեմ պայքարում: Ուստի՝ եթե բոյկոտ, ապա ակտիվ՝ զուգորդվող զանգվածային բողոքի միջոցառումներով:

Հաղթելո՛ւ ենք

Արեգ Գևորգյան

Սերժ Սարգսյանի «Штрафбат»-ը

Մի զարմացեք, երբ վարչախմբի որոշ մանր ներկայացուցիչներ՝ Աշոտյան, Ավագյան, Շարմազանով և այլն ձեռնամուխ են լինում գործող իշխանությունների «անխնա» պաշտպանությանը՝ առանց կաշկանդվելու բացահայտ ստում են, փորձում են ծացկել ու արդարացնել բոլորին հայտնի հանցագործությունները՝ իրենց անխուսափելիորեն դարձնելով հասարակական քննադատության թիրախ:

Իմացեք մեկ բան. նրանք հոյակապ գիտեն, որ Սերժ Սարգսյանի հնգամյա կառավարման ապաշնորհությունն ու հանցավորությունը անվիճելի իրողություններ են, որ արված և չարված գործերի համար անհնար է որևէ պատասխան տալը: Եվ, քանի որ իշխանությունների նկատմամբ քննադատությունը անխուսափելի է, Սերժ Սարգսյանի սպասարկուների համար շատ կարևոր է գոնե նախագահական ընտրություններից առաջ քննադադատակ ալիքը հնարավորինս շեղելու ՀՀԿ-ի թեկնածուից: Նրանք ռեժիմի զորքերի «Штрафбат» են, որ ժողովրդի դեմ ճակատամարտում Սերժ Սարգսյանի համար նախատեսված հարվածները միտումնավոր փորձում են վերցնել իրենց վրա:

Սակայն մեր քաղաքական «կամիկաձեները» մեկ բան հաշվի չեն առնում. ռեժիմի կողմից գործած հանցանքներն ու դրանցից առաջացած ժողովրդական հակադրությունն ու քննադատությունը այնքան շատ են, որ կհերիք են թե՛ Աշոտյանին ու Ավագյանին և թե՛ Սերժին, Սաշիկին ու Միշիկին:

Արեգ Գևորգյան

Վովա Գասպարյանի շանսը

Վովա Գասպարյանն աննախադեպ հնարավորություն ունի սեփական մեղքերը քավելու ու ոստիկանության վարկանիշը բարձրացնելու՝ բազմաթիվ հայորդիների կյանքը փրկելով: Հարկավոր է անհապաղ 24-ժամյա հերթապահություն նշանակել <<Հաղթանակ>> կամրջի մոտակայքում:
ԲՀԿ հայտնի հայտարարույթունը, այժմ էլ Միքայել Մինասյանի Միշիկի խոպան գնալու մասին լուրերը որոշ շրջանակների մոտ հուզումներ ու դեպրեսիվ տրամադրություններ են առաջացրել:

Դավաճանություն է կամուրջները առանց հսկողության թողնելը...

http://www.facebook.com/aregface/posts/497103653668053?notif_t=like

Մի ծանրաբեռնեք ձեր փոքրիկ ուղեղները

Միքայել Մինասյան կոչված Միշիկի բարբաջանյաններն ու բարբաջանյանուհիները չեն դադարում իրենց շարժման նկատմամբ գործած դավադրությունները արդարացնել իբր Հայաստանի ապագայով մտահոգվածությամբ: Իրենց ստորագույն շահամոլությունը փորձում են թաքցնել կեղծ հայրենասիրության ու հեղափոխականության փթած քողի տակ: Սակայն կարող են չծանրաբեռնել իրենց փոքրիկ ուղեղները. երբ գիշեր ու զոր աշխատում են ՀԱԿ-ի դեմ և օգնում Հայաստանը քանդող Սերժ Սարգսյանին, այլևս կարիք չի լինում բացատրելու, թե ինչու են դուրս եկել պայքարից, ինչու են աշխատում պայքարի դեմ կամ ինչ նպատակներով են, ընդհանրապես, պայքարել:

Ձեր խղճուկ, մարդկությանը անպիտան գոյության պատճառները բոլորին են հայտնի. մի փոր հացով ոչ միայն հայրենիքը, այլև ձեր ընտանիքն էլ կհանեք վաճառքի:

http://www.facebook.com/aregface/posts/497009830344102?notif_t=like

Աշոտյանը տղամարդկության պակաս ունի

Կրթության և գիտության նախարարարի պաշտոնում զբաղվող Ա. Աշոտյանը ֆեյսբուքյան իր էջում էկել է այն եզրակացության, որ հայաստանյան քաղաքականությունը նմանվում է շախմատի և որ հաղթում են համբերատարները: Ամենայն հավանականությամբ նա շախմատային է կոչում իր կուսակցության և կուսակցապետի բոլորին հայտնի <<հաղթանակները>>: Բայց ո՞վ չգիտի ու չի տեսնում, թե ինչպես են հանրապետականները <<հաղթանակներ>> տանում, երբ նրանց
իշխանության մնալու և հաղթանականեր տանելու միակ երաշխիքը օրինախատումներն են՝ ընտրակաշառք, բռնություն և այլն:

Կարծում եմ՝ այս նախարարին ու նրա ներկայացրած քաղաքական ուժին առնվազն պակասում է տղամարդկություն ու տրամաբանություն՝ շախմատային, հաշվարկված խաղ ու հաղթանակներ տանելու համար: Այն պահին, երբ իշխող կուսակցությունը ընտրի շախմատային մրցակցության տարբերակը, միանգամից դուրս կշպրտվի ոչ միայն քաղաքական թատերաբեմից, այլ ընդհանրապես Հայաստանից:

Արեգ Գևորգյան

Ճիշտ ու սխալ որոշելու ժամանակ չի մնում

Հետևում էս ֆեյսբուքյան անցուդարձին ու հասկանում, որ ակտիվ գրառումներ ու մեկնաբանություններ կատարողների մեծամասնությունը խորապես թքած ունի Հայաստանի ապագայի վրա: Երկրի գլխին ծառացած խնդիրներից ազատվելու ռեալ ճանապարհներ փնտրելուց ավելի կարևոր է դարձել սեփական ճշմարտացիության ապացուցումը: Ամեն ինչ բերվել է անձնական դաշտ, արժեքներն ու նպատակները լղոզվել ու անհետացել են աննպատակ ու դատարկ վիճաբանությունների մեջ:

Սրա ականատեսը կարող ենք լինել ԲՀԿ-ի հայտարարություն վերաբերյալ ցանկացած քննարկման ընթացքում: Պարզվում է՝ բոլորը սա կանխատեսել էին, բոլորը սա գիտեին, բոլորը ճիշտ էին: Անձամբ ես կարծում եմ, որ արվել է առավելագույնը հայտնի երկու ուժերի միավորման և նրանց միասնական ճակատով ռեժիմի դեմ հանդես գալու նպատակով: Եվ չնայած, որ այս քաղաքական գործըթացը ընթանում էր թե՛ իշխանական, թե՛ ընդդիմադիր դաշտերում գործող ուժերի հարվածների ներքո այն տվեց դրական արդյունք: ԲՀԿ հայտարարությունը նշանակում էր մեկ բան. Ծառուկյանը չի սատարում Սարգսյանին, ինչը մեկ տարի առաջ պատկերացնելն անգամ անհնար էր: Ինչևէ՝ սա չէ կարևորը: Կարևորն այն է, որ մենք ունենք նոր քաղաքական իրավիճակ, բայց միևնույն ժամանակ նույնը մնացած խնդիրներ ու վտանգներ: Մեզ դեռևս շարունակում են սպառնալ հալածյալ կամ գաղթական դառնալու հեռանկարը, մենք դեռևս շարունակում ենք ապրել մի քանի անհատների սպասարկմամբ զբաղվող երկրում և որևէ փոփոխություն իրականացնելու միակ տարբերակը դեռևս մնում է Սերժ Սարգսյանի ռեժիմից ազատվելը:

Այս վիճակում ճիշտ ու սխալ որոշելու ու ինքնահաստատվելու ժամանակ չի մնում: Այսպես շարունակելու դեպքում, շատ մոտ ապագայում որևէ արժեք չի ունենա մեր ինքնահաստատվածությունը կամ անսխալականությունը, երբ մենք ուղղակի կորցրած կլինենք Հայաստանը:

Արեգ Գևորգյան

Իրենց գժի տեղ դրածներին

Լսեք, ձեզ ծիծաղելի վիճակի մեջ մի դրեք...
Ոչ մեկ չի կարող հերքել, որ Սերժ Սարգսյանը կերազեր Ծառուկյանի սատարման մասին: Փաստը էն ա, որ դա չկայացավ: Փաստը էն ա, որ 2011-ին եղած բուրգը այսօր չկա, նրա մի մասը առանձին նեյտրալիտետ ա պահպանում: Եվ սա հաշվարկված, ճշգրիտ քաղաքականության արդյունքն էր:

Հերիք ա ձեզ գժի տեղ դնեք, ընդունեք պարզ իրողությունները:

Հ.Գ. Սերժիկ Սարգսյանի հույսերը չարդարացան. նա մնաց մենակ, ինչպես 2008-ին, ինոգուրացիայի օրը, պոլիէթիլենային տոպրակի հետ Ազատության հրապարակում:
Վստահ կարելի է ասել, որ իշխանական թեկնածուին հնարավոր սատարողները ավելի պղծված են, քան հենց ինքը՝ իշխանական թեկնածուն:

Եկել է չենթարկվելու ժամանակը

Այն որ տարիներ շարունակ ուսանողները կուսակցականացվում են և «կրթվում» են կեղծ պատմության դասագրքերի միջոցով, իսկ ռեժիմին չենթարկվող ՀԱԿ երիտասարդները դատապարտվում են ազատազրկման, այն, որ մի քանի հայտնի բողոքի ակցիաներից հետո համալսարաններում կտրուկ աճել է անվտանգության աշխատակիցների թիվը և համալսարանների տարածքը հերթափոխով վերահսկվում է ոստիկանների ու ԱԱԾ-ականների կողմից վկայությունն ու ապացույցն ե
ն մեկ բանի. Սերժ Սարգսյանի հանցախումբը սարսափում է ուսանողության, երիտասարդության և ընդհանրապես՝ ՀՀ քաղաքացիների ոտքի կանգնելու հեռանկարից:Հենց այս պատճառով է, որ ստեղծվում է կուսակցականացման, բթացման, ահաբեկման պատնեշը: Իշխանության ղեկին հայտնված հանցագործները, այսպիսով, հույս ունեն բացառելու պահանջատեր և ինքնավստահ քաղաքացու տեսակի կայացումը:

Սակայն մի քանի երիտասարդների օրինական գործողությունների արդյունքում ամբողջ կրթական, քարոզչական, իրավապահ համակարգի գլխիվայր շրջվելը ցույց են տալիս, որ վարչախումբը անխուսափելիորեն ձախողվելու է իր ծրագրերում: Համաժողովրդկական զարթոնքի արդյունքում Սերժ Սարգսյանի գլխավորած հակաժողովրդական ուժերն ուղղակի ջախջախվելու են և ստիպված են լինելու վերադարձնել իշխանությունը ՀՀ քաղաքացուն:

Եկել է չենթարկվելու ժամանակը

Արմեն Աշոտյան, հակահայկական քարոզն իրականացրու ձեր տանը

Չզարմանաք, եթե Սերժ Սարգսյանի բթամիտ ծառաները շուտով ձեզ կոչ անեն չքաղաքականացնել նախագահական ընտրությունները:

Անմեղսունակության ինչպիսի պաշար հարկավոր է ունենալ դատապարտելու համար Մարտի 1-ի քաղաքականացումը, երբ 2008-ի իրադարձությունները Հայասատանի նորագույն պատմության ամենաքաղաքական էջերից են:

Տրամաբանության բոլոր սահմանները խախտվում են, երբ պատմության կամայական ներկայացումը դիտարկվում է որպես
նորմալ երևույթ և ներկայացվում է ինչպես, այսպես կոչված, համալսարանական կոլեկտիվի (ՀՀԿ-ականներից կամ նրանց սպասարկուներից կազմված) սուբյեկտիվ տեսակետ:

Սա ոչ այլ ինչ է, քան իշխանությունների կողմից կազմակերպված դավադրություն Հայաստանի Հանրապետության, հայ ժողովրդի նկատմամբ:

Հ.Գ Արմեն Աշոտյանին, որը չնայաց իր երիտասարդ տարիքին սպառել է իր վաղեմության և պիտանելիության ժամկետները և, որ այսքան հավանում է պատմության վերջին դասագիքը խորհուրդ կտամ այդ դասգրքով հակահայկական քարոզն իրականացնել բացառապես սեփական ընտանիքի անդամների վրա և չփորձել պղծել մեր երեխաների ուղեղները:

Արեգ Գևորգյան

hhttp://www.facebook.com/aregface/posts/489900264388392?comment_id=5635257&ref=notif&notif_t=feed_comment_reply

Կոչ երիտասարդությանը չենթարկվելու ռեժիմին

Երիտասարդները, ուսանողները պետք է լինեն ազատ, ըմբոստ և չենթարկվող իրենց ապագան կործանող իշխանություններին:

Առնվազն անբարոյականություն է, երբ ուսումնական հաստատություններում օր ու գիշեր կուսակցական, սերժական քարոզ իրականացնողները «Հակահարված»-ի անդամներին ծեծելը արդարացնում են իբր նրանց կողմից քաղաքական քարոզ իրականացնելով:

Մենք բազմաթիվ անգամ ուսումնական հաստատությունների տարածքում իրականացրել ե
նք տարատեսակ իրազեկման միջոցառումներ, երթեր, ցույցեր, բաժանել ու փակցրել ենք անհնազանդության կոչեր պարունակող թռուցիկներ: Այո, արել ենք ու շարունակելու ենք անել, բայց ոչ թե որպես կուսակցական քարոզ, այլ հակառակը՝ որպես ուսումնական հաստատությունների սերժացման և պղծման դեմ ակցիաներ:

Սա կոչ է երիտասարդությանը չենթարկվելու ռեժիմի կողմից նրանց ստրկացնելու և հհկական կամակատար դարձնելու փարձերին: Երիտասարդները, ուսանողները պետք է լինեն ազատ, ըմբոստ և չենթարկվող իրենց ապագան կործանող իշխանություններին:

Արեգ Գևորգյան

http://www.facebook.com/aregface/posts/488031514575267?notif_t=like

«Դիտակետ»-ի հյուրերն են Սարգիս Գևորգյանը և Արեգ Գևորգյանը

ՀԱԿ-ը ներկայացնող երիտասարդ ակտիվիստների կարծիքով երկրի առաջ ծառացած խնդիրները լուծելու և արդարություն հաստատելու համար պետք է առաջին հերթին խնդիրներին քաղաքական լուծում տալ:

Հարկավոր է ազատվել իշխանություններից, որոնք իրենց անձնական շահերին են ծառայեցնում քաղաքացիների անվտանգության և բարեկեցության երաշխիք հանդիսացող պետական կառույցները:

Ձեզ հետ, թե առանց ձեզ մենք տապալելու ենք այս ռեժիմը

Հետաքրքիր ժողովուրդ են մեր հայրենի «հեղափոխականները»: Այն մարդիկ, որոնք Կոնգրեսին մեղադրում են փողոցային պայքարը մենաշնորհելու մեջ իրենց անգործությունը շարունակում են պայմանավորել Կոնգրեսի քաղաքականությամբ:

Հինգ տարի շարունակ բազմաթիվ անվանումներ ստացած այս գոյածությունը՝ «երրորդ ուժ», «քաղաքացիական հասարակություն», «կոնսենսուս մինուս օլիգարխիա» և այլն բացի նվնվալուց որևէ գործնական քայլ այդպես էլ չձեռնարկեց մեզ՝ միամիտմերիս իրական, ազնիվ պայքար ցույց տալու համար: Ինչն է խանգարում այս միավորներին, այն պարագայում, երբ փողոցը վերահսկող Կոնգրեսը այսպիսի երկարատև դադար է վերցրել սկսել «իրական» պայքարը ռեժիմի դեմ:

Բայց սրա փոխարեն արի ու տես, որ մառազմը կրկին հաղթում է տրամաբանությանը և ինչպես Լևոն Տեր-Պետրոսյանին մեղադրում էին Բաքվի գրավումը խոչնդոտելու մեջ, այժմ էլ Կոնգրեսը մեղավոր է, որ մեր «ազգանվեր մահապարտները» չեն գրոհում Բաղրամյան 26-ը: Այ մարդ, վերցրե՛ք ձեր զենքերը, հռչակագրերն ու թսկած փուչիկները ու հայդա նախագահական, խոստանում եմ Կոնգրեսը ձեզ չի խանգարի: Գնացե՛ք, արե՛ք ձեր հեղափոխությունը:

Իսկ հիմա ավելի լուրջ: Կոնգրեսը հինգ տարիների ընթացքում ապացուցել է իր ճշմարտացիությունը անցնելով արյան, հալածանքների, բանտերի և այլ զրկանքների միջով: Եվ քանի դեռ դուք գտնվում էք լացուկոծի փուլում և դեռ ձեր անկեղծությունը չեք ապացուցել գործով՝ ռեժիմին ռեալ հակադրվելու միջոցով, չհամարձակվեք հորջորջալ Կոնգրեսի անգործության մասին...

Շարունակեք ձեր ֆեյսբուքյան պատերազմները:
Ձեզ հետ, թե առանց ձեզ մենք տապալելու ենք այս ռեժիմը:

Առա՛ջ, դեպի ամսերժ Հայաստան

Արեգ Գևորգյան

«Կարեւորի մասին» հաղորդաշարի հյուրն է Արեգ Գեւորգյանը

«Կարեւորի մասին» հաղորդաշարի հյուրն է ՀԱԿ ակտիվիստ, «Հայաստանն առանց քաղբանտարկյալների» քաղաքացիական նախաձեռնության անդամ Արեգ Գեւորգյանը:

Վերաքննիչ դատարանը անփոփոխ թողեց ՀԱԿ 4 ակտիվստների` Տիգրան Առաքելյանի, Սարգիս Գևորգյանի, Դավիթ Քիրամիջյանի, Արտակ Կարապետյանի դատավճիռը, որով նրանք դատապարտվել էին մինչև 6 տարվա ազատազրկման:
Հերթական անգամ մենք համոզվեցինք, որ Հայաստանում դատական համակարգը սպասարկում է Սերժ Սարգսյանի անձնական շահերը և հանդիսանում է քաղաքական հաշվեհարդարի գործիք:

Ազատության քայլերթ Երևանում

Այսօրվա Ազատության քայլերթի մասնակիցները իսկապես ցույց տվեցին, որ անկախ իշխանական ճնշումների Հայաստանում կան ազատ քաղաքացիներ, որոնք պատրաստ են պայքարել, որոնք ոչ մի դեպքում չեն հեռանա իրենց հայրենիքից և իրենց ձեռքերով կկերտեն Երազանքների Հայաստանը:

ՀԱԿ երիտասարդների ազատությունը՝ մեր բոլորիս ազատությունն է:
Ազատություն քաղբանտարկյալներին, ազատություն Հայաստանին:

                        

Կարեք ձեր բերանը և կտրեք ականջները

Թիվ 8 ընտրատարածքում իբր պատգամավոր դարձած Կորյուն Նահապետյանին, որ ՀԱԿ ակտիվիստներին 2-6 տարով դատապարտելը հիմնավորված է համարում հարկավոր է հիշեցնել, որ իր այդ կարծիքը կիսում են միմիայն Սերժ Սարգսյանի սպասարկուներն ու իր հարազատ կուսակիցները, որոնց նկատմամբ, մեղմ ասած, վստահության բացակայութունը արդարացված է վերջին տարիներին իշխանությունների հանցավոր գործունեությամբ:

Երիտասարդների նկատմամբ իրականացվող քաղաքական հետապնդումը դատապարտվել է թե քաղաքացիական, թե քաղաքական գրեթե բոլոր ակտիվ շրջանակների կողմից: Իրավապաշտպան կազմակերպություններ, ՀԿ-ներ, նախաձեռնություններ, հազարավոր քաղաքացիներ, ոչ կոալիցիոն կուսակցություններ և նրանց երիտասարդական կառույցներ դատապարտել են ապօրինի դատավճիռը: Այս հարցում Կորյունն ու իր կուսակցությունը մնացել են միայնակ, սակայն շարունակում են համառել և նորմալ համարել նմանատիպ դատավճիռները, մարկանց իրավունքների խախտումը, նրանց խոշտանգումը, ինչպես հայտնի հանրապետական Հրայր Թովմասյանն է նորմալ համարում մարդկանց ի նշան բողոքի մատ կտրելը:

Եվ, եթե Կորյուն Նահապետյանին անհանագստացնում է ՀԱԿ-ի հայտնած դիրքորոշումը դատարանների քաղաքական պատվեր կատարելու վերաբերյալ, ապա խորհուրդ կտամ նրան ի նշան բողոքի դիմել նորմալ քայլի՝ կարել բերանը և կտրել, օրինակ՝ ականջները:

Արեգ Գևորգյան

Ընդդիմության դեմ պայքարելը հավասար է դավաճանության

Այս պահին ընդդիմության դեմ պայքարելը հավասար է դավաճանության սեփական ժողովրդի նկատմամբ: Այդպիսի գործելակերպը որևէ արդարացում չունի: Տարբերություն չկա, թե ինչից դրդված կարելի է սա անել. ծախված լինելու, թե միամտության: Կարևորը, որ հասցված վնասը նույնն է:

Հայաստանի ապագայով մտահոգ բոլոր ուժերն ու անհատները իրենց քննադատության, պայքարի թիրախ պիտի դարձնեն Հայաստանը կործանող Սերժ Սարգսյանին ու նրա գլխավորած ռեժիմը:

Մենք կորցնում ենք Հայաստանը: Միայն ահագնացող արտագաղթը բավական է, որ շատ մոտ ապագայում մեզ ջնջեն որպես պետություն աշխարհի քարտեզից: Սրա միակ պատճառը ժողովրդին ահաբեկող, թալանող, արտագաղթի դրդող իշխանությունն է:

Հայաստանը պահպանել ցանկացողների գործողությունները պետք է լինեն համաչափ:

Արեգ Գևորգյան

Ժամանակն է, որ ազատվենք մեր անվտանգությանը սպառնացող Սերժ Սարգսյանից

Դատական համակարգը քաղաքացիների իրավունքների պաշտպանության, քաղաքացիների անվտանգության կարևորագույն երաշխիքներից է: 

Հայաստանում այն ծառայում է իրեն նախագահ համարող Սերժ Սարգսյանին, որը մեր անվտանգության երաշխիքները` ոստիկանություն, դատարաններ, բանակ ծառայեցնում է իր իշխանության պահպանման գործին:

Ժամանակն է, որ մենք ինքներս ստեղծենք մեր անվտանգության երաշխիքնշքները և վերջնականապես ազատվենք մեր անվտանգությանը սպառնացող Սերժ Սարգսյանից:

Արեգ Գևորգյան

Հայաստանում կա 4 քաղբանտարկյալ

Նոյեմբերի 13-ին, Հայաստանի վերաքննիչ քրեական դատարանը ուժի մեջ թողեց ՀԱԿ 4 ակտիվիստների վերաբերյալ առաջին ատյանի դատարանի ընդունած վճիռը, որով նրանք դատապարտվել էին 2-6 տարվա ազատազրկման:

Պահպանեք սառը դատողությունը, եղեք զուսպ և ինքնավստահ

Մեզ շատ բան հարկավոր չէ: Մեզ հարկավոր չեն շքեղություններ` դղյակներ, շքեղ մեքենաներ, ծփացող սեղաններ, ոսկեզոծ հագուստներ: Այս պերճանքների պակասը չէ, որ ստիպում է մեզ հեռանալ երկրից, որ ստիպում է մեզ երջանկություն որոնել օտարության մեջ ու կարոտից տառապել:

Մեզ ընդհամենը հարկավոր է կրթություն ստանալու, աշխատելու, ընտանիք ստեղծելու, երեխա մեծացնելու հնարավորություն: Սակայն գնալով ավելի ու ավելի հաճախ մ
ենք տեսնում ենք, որ նույնիսկ քիչ թե շատ բարեկեցիկ կյանքով ապրող մարդիկ են հեռանում երկրից` գնալով դեպի անորոշություն:
Զարմանալ պետք չէ: Իրականում` անգամ այս նվազագույն պայմանների ապահովումը չի կարող զսպել երկրից հեռանալու ցանկությունը, քանի որ Հայստանում հասարակ քաղաքացին չունի երաշխիքներ, չունի արդարության զգացում, չունի պաշտպանված իրավունքներ:

Վախը վաղվա օրվա հանդեպ առաջացնում են ոչ թե նյութական բարիքների բացակայությունը, այլ քաղաքացիների նկատմամբ ոտնձգությունների անպատժելիությունը, որոնք Հայաստանի նորագույն պատմության ընթացքում, ցավոք, բազմաթիվ են: Նրանցից ամենաողբերգականը Մարտի 1-ի սպանդն է: Դժվար է պատկերացնել, որ Հայաստանում երբևէ կվերականգնվի արդարությունը, եթե մարդասպանության իրական կազմակերպիչներն ու իրագործողները շարունակեն զբոսնել Երևանի փողոցներով, իսկ օրինականության համար պայքարողները հայտնվեն ճաղերի ետևում:

Երկիրը կործանման հասցրած արտագաղթը կասեցնելու համար հարկավոր է մարդկանց տալ երաշխիքներ, իսկ դա տալու համար հարկավոր է պատասխանատվության ենթարկել գաղաքացիներին տարիներ շարունակ հալածող, թալանող, բանտարկող, գնդակահարող հանցագործներին` բացառելով մարտիմեկերը: Այսպիսով, օրինականության և արդարության վերակնգնման ճանապարհին կանգնած միակ խոչընդոտը Սերժ Սարգսյանի ղեկավարած հանցախումբն է:
Ուստի` այսօր Հայաստանում կա գերխնդիր. ազատվել սերժսարգսյանական ռեժիմից, ինչի ռեալ, անցավ, առանց ցնցումների տարբերակը հնարավոր է Հայ ազգային կոնգրեսի <<Անսերժ Հայաստան>> կարգախոսին ԲՀԿ-ի միանալու պարագայում:

Պահպանեք սառը դատողությունը, եղեք զուսպ և ինքնավստահ...

Արեգ Գևորգյան

http://www.facebook.com/permalink.php?story_fbid=482724708439281&id=100001052694966&notif_t=like

ՀԱԿ-ը այլ թեկնածու չի կարող ունենալ, քան Լեւոն Տեր Պետրոսյանը

Ընդդիմության մեջ այսօր բացառված է սերնդափոխությունը,-համոզմունք էհայտնել գիտնական Վարդան Դեւրիկյանը:

Հայ Ազգային Կոնգրեսի անդամ Արեգ Գեւորգյանը գիտնականի մտքերը վերագրում է քաղաքական անտեղյակությանը՝ իսկ ու՞մ էր անցած 5 տարիներին ձերբակալում Սերժ Սարգսյանի իշխանությունը։

«Ռեժիմի անմիջական հարվածների տակ այսօր հենց երիտասարդներն են, սա կարող է լինել միայն մեկ պարագայում, երբ հենց երիտասարդներն են վտանգ ներկայացնում ռեժիմի համար»,- ասաց նա։։

Արեգն, ի դեպ, չի շտապում համաձայնվել գիտնականի այն մտքի հետ, որ նախագահի ընտրություններում կարող է ընդդիմադիր երիտասարդ առաջադրվել։ Այդ մեկի համար դեռ շատ շուտ է՝ Հայ Ազգային Կոնգրեսն, ըստ նրա, այլ թեկնածու չի կարող ունենալ, քան Լեւոն Տեր Պետրոսյանը։

 Աղբյուրը` Ա1+ http://www.a1plus.am/am/politics/2012/11/08/areg-gevorgyan#.UJzCEEBQyL8.facebook

Փեսացուամերձ մամուլի հուսահատ պայքարը ՀԱԿ-ի դեմ

Ակնհայտ է, որ եթե իշխանական քարոզչամեքենան ձեռնամուխ է լինում ինչ-որ երևույթի քննադատությանն ու վարկաբեկմանը, ուրեմն այդ երևույթը լրջագույն վտանգ է ներկայացնում վերարտադրման նախապատրաստվող ռեժիմի համար: Եվ հակառակը` եթե իշխանության պահպանման գերխնդիր ունեցող ռեժիմը ձեռնամուխ է լինում «ընդդիմադիր» կոչված այս կամ այն ուժի պաշտպանության և նրա գաղափարների (այս դեպքում` «կոնսենսուս մինուս օլիգարխիա») տարածման գործին, ապա այդ ուժը և նրա գաղափարները ձեռնտու են իշխանություններին և միևնույն ժամանակ դրանք ձեռնտու չեն ու վնասակար են հասարակությանը:
Այս պարզագույն իրողությունները հասկանալու համար պատասխանենք մի քանի հարցերի.

-Ո՞ր հեռուստաալիքներն են իրագործում Լևոն Զուրաբյանի դեմ սև փիարը:

Տարիներ շարունակ քաղաքական պատվերներ կատարող, օր ու գիշեր շարժամ դեմ աշխատող նախագահականի լիակատար վերահսկողության տակ գտնվող հեռուստաալիքները:

-Ո՞ր կայքերն են կանխատեսում ՀԱԿ-ի վախճանը ԲՀԿ-ի հետ համագործակցության դեպքում:

Բացառապես քաղաքական դաշտը լղոզելու, անհասկանալի դարձնելու և հասարակության մեջ հուսահատություն տարածելու առաքելություն ունեցող, ՀՀ գլխավոր փեսա` Միշիկին պատկանող, կամ նրա կողմից ուղղորդվող կայքերը:

- Ո՞ւմ ֆեյսբուքյան ֆեյքերն են, հանկարծ, սկսել մտահոգություն ցուցաբերել ՀԱԿ վարկանիշի վերաբերյալ և հակադրվել ռեժիմից ազատվելու հայտնի ճանապարհին:

Չորս տարի շարունակ սոցիալական ցանցերում ՀԱԿ-ի վարաբերյալ ապատեղեկավության տարածմամբ զբաղվող ՀՀԿ երիտթևին պատկանող ֆեյքերը:

Նախագահական ընտրություններին դեռ երեք ամսից ավել ժամանակ կա: Սակայն իշխանական ողջ քարոզչամեքենան արդեն իսկ լծված է ընդդիմության «վարկաբեկման գործին»: Փեսացուամերձ (Միշիկամերձ) մամուլը չխուսափեց անգամ ամենաթաքնված զենքերի բացահայտումից` ամբողջ իր ռեսուրսը այսքան շուտ ներդնելով ՀԱԿ-ի ներսում իբր պառակտվածության լուրերի տարածմանը և Լևոն Զուրաբյանի դեմ հակաքարոզչության կազմակերպմանը:

Թվում էր թե այստեղ չպետք է որևէ հարց առաջանա. կա ռեժիմի դեմ պայքար և կա ռեժիմ, որը ամեն կերպ փորձում է վերացնել, փոշիացնել իր իշխանությանը վտանգ սպառնացող ուժերին, ինչը և ՀԱԿ-ի դեմ իրականացվող հակաքարոզչության հիմանկան շարժիչ ուժն է: Սակայն արի ու տես, որ դեռևս կան շրջանակներ, որոնք միամտաբար շարունակում եմ վստահությամբ ընդունել հակաընդդիմադիր քարոզչամեքենայի տարածվող ապատեղեկատվությունները: 

Սակայն հարկավոր է նաև արձանագրել. Սերժ Սարգսյանին իշխանությունից հեռացնելու տարբերակներից և ոչ մեկը այսպիսի ջղաձգումների մեջ չի գցել նախագահականին, ինչպես երկու քաղաքական ուժերի հնարավոր համագործակցությունը: Ինչից կարելի է հետևություն անել, որ վերոնշյալ հանգամանքները վարչախմբի դեմ պայքարի տվյալ մեթոդի ճշմարտացիության  լավագույն ապացույցն են:

Արեգ Գևորգյան

http://www.facebook.com/permalink.php?story_fbid=480682701976815&id=100001052694966&notif_t=like

Էպիկենտրոնի հյուրն է Արեգ Գևորգյանը

«Էպիկենտրոն» հաղորդման հյուրն է «Հայաստանն առանց քաղբանտարկյալների» նախաձեռնության անդամ Արեգ Գեևորգյանը:
Նախաձեռնությունը նոյեմբերի 17-ին` ժամը 18:00-ին կանցկացնի «Ազատության քայլերթ» Խնկո Ապոր գրադարանի մոտից:

Ցույց հանուն Ազատության. ՏԵՍԱՆՅՈՒԹ

Ուրբաթ Հայ ազգային կոնգրեսի համախոհները բողոքի ցունց են անցկացրել Վերաքննիչ դատարանի շենքի առջեւ՝ ի պաշտպանություն չորս քաղհալածյալների՝ Տիգրան Առաքելյանի, Արտակ Կարապետյանի, Սարգիս Գեւորգյանի եւ Դավիթ Քիրամիջյանի: Ցույցին մասնակցել են «Բարգավաճ Հայաստան», «Ժառանգություն», ՀՀՇ կուսակցությունների երիտասարդական թեւերի ներկայացուցիչներ, «Սարդարապատ» շարժման ակտիվիստներ եւ այլ քաղաքացիական նախաձեռնությունների անդամներ:

http://www.ilur.am/news/view/2902.html

Ելույթ դատարանի դիմաց. Արեգ Գևորգյան

Ցույցի հարգելի մասնակիցներ, կարծում եմ դուք շատ լավ հասկանում էք, որ դատարանը որպես ցույցի անցկացման վայր ընտրելը կրում է մեծապես սիմվոլիկ բնույթ: Չեմ կարծում, որ ձեզանից որևէ մեկը ակնկալիքներ ունենա Վերաքննիչ կամ այլ ատյանների դատարաններից, կամ դատավորներից, կամ ընդհանրապես դատական համակարգից: Վերջապես` եթե այդպիսի հույսեր լինեին, ապա մենք ընդհանրապես էստեղ հավաքված չեինք լինի, ինչպես նաև կարիքը չեր լինի ստեղծելու «Հայաստանն առանց քաղբանտարկյալների» նախաձեռնությունը: Ակնհայտ է, որ եթե դատական վճիռները Հայաստանում կախված լինեին դատարաններից ու դատավորներից, ապա մենք չեինք կարող գործ ունենալ «քաղաքական բանտարկյալ» հասկացության հետ: Մենք կունենաինք ուղղակի անարդար դատավճիռներ, որոնց շտկմանը հասնելու համար կպայքարեինք ոչ թե փողոցում, այլ ավելի բարձր կանգնած դատական ատյաններում: Իսկ քանի դեռ Հայաստանի հանրապետությունում դատական վճիռները կայացվում են ոչ թե դատական նիստերի դահլիճում, այլ գործադիր իշխանության բարձրադիր ներկայացուցիչների գրասենյակներում, նստավայրերում, կամ առանձնատներում, մենք չենք կարող խուսափել դատարանների որպես քաղաքական հաշվեհարդարի գործիք օգտագործումից:

Հենց այսպիսի քաղաքական հաշվեհարդարի նպատակով էլ սկզբից ձերբակալվեցին և այնուհետև մինչև վեց տարվա ազատազրկման դատապարտվեցին Կոնգրեսի չորս երիտասարդները: Այս գործի առանձնահատկությունը կայանում է նրանում, որ ռեժիմը այն օգտագործեց մի քանի նպատակով, ժամանակային տարբեր հատվածներում: Առաջինը` Օգոստոսի 9-ի սադրանքի կազմակերպմամբ և երիտասարդների կալանավորմամբ իշխանությունները լուծեցին իրենց համար շատ ծանր պրոցեսից` բանակցություններից ճողոպրելու հարցը: Երկրորդ անգամ այս գործը օգտագործվեց հայտնի դեպքերից շուրջ մեկ տարի անց: Սույն թվականի հուլիսի 20-ին դատարանը կայացրեց իր պատմության մեջ ամենախայտառակ դատավճիռներից մեկը: ՀԱԿ չորս երիտասարդ ակտիվիստները դատապարտվեցին մինչև վեց տարվա ազատազրկման: Սա տեղի ունեցավ այն ժամանակ, երբ քաղաքացիական ակտիվությունը Հայաստանում հասել էր իր բարձրակետին, կապված Հարսնաքարում տեղի ունեցած դեպքերի հետ, երբ մեղավորները արդարացիորեն փնտրվում էին արդեն ոչ թե նշված ռեստորանային համալիրում, այլ կառավարությունում, դատախազությունում, նախագահականում: Քաղաքացիական ընդվզումը լուրջ վտանգ էր ներկայացնում ռեժիմի համար իսկ այդ երիտասարդները կանգնած էին քաղաքացիական պայքարի առաջին շարքերում: Նրանց դատապարտումը այս պարագայում հարված էր ամբողջ հասարակությանը և յուրատեսակ նախազգուշացում էր մյուս քաղաքացիներին: Սա մարտահրավեր էր մեզ բոլորիս, սա փորձ էր վախի մտնոլորտի տարածմամբ խեղդելու քաղաքացիական ակտիվությունը:

Այո, մենք կարող ենք փաստել, որ իշխանությունները չկարողացան լուծել իրենց առջև դրված խնդիրը, և դրա ապցույցը այսօրվա բազմամարդ ցույցն է: Սակայն այս դեպքերը մեզ ցույց են տալիս մեկ բան. Հայաստանում իշխանությունները բռնազավթած անձինք շարունակում են երկրի իրական տերերի` ՀՀ քաղաքացիների հետ խոսել բռնության լեզվով: Շարունակում են հովանավորել մարդասպաններին` խրախուսելով ամենաթողությունը: Նրանց հրահանգներով արդարացվում են մարդասպանները, դատապարտվում են անմեղները: Ապացույց են արդեն ավարտված Հանրապետության Հրապարակի պայթյունի, դեռևս ընթացող Վահե Ավետյանի սպանության, Արտակ Նազարյանի սպանության, Կոնգրեսի երիտասարդների և բազմաթիվ այլ դատական գործերը: Ամեն քայլափոխի մենք ականատաեսն ենք անարդարության, քաղաքացիների իրավունքների խախտման: Սակայն պետք է խոստովանել, որ սրա հետ մեկտեղ մեծանում է քաղաքացիների դիմադրողականությունը և պատրաստակամությունը պայքարելու:

Եվ հաշվի առնելով այս հանգամանքները` կարծում եմ վերջապես եկել է ժամանակը անարդարության այս շղթային վերջ դնելու համար: ՀՀ քաղաքացին վերջապես պետք է ձեռնամուխ լինի ինքնուրույն գործողությունների սեփական իրավունքները վերականգնելու նպատակով: Իսկ պայքարը հարկավոր է սկսել քաղաքացու ամենակրևոր` Ազատության իրավունքի վերականգնումից:

Այս երիտասարդների ձերբակալությունը` մեր բոլոիս ձերբակալությունն է, նրանց ազատությունը` մեր ազատությունն է:

Կեցցե՜  Ազատ Հայաստանը

Ազատություն քաղբանտարկյալներին

Եթե ուզում ենք Հայաստանը փրկել կործանումից

Համոզված եմ, որ Հայաստանում որևէ փոփոխություն կարող է լինել միմիայն ՀԱԿ-ի շնորհիվ և ՀԱԿ-ն է, որ կարող է առաջնորդել Հայաստանն առանց Սերժ Սարգսյանի տեսնել ցանկացող ուժերին: ԲՀԿ-ի վերաբերյալ խոսելուց առաջ մենք մի հարց պետք է ճշտենք, թե ինչի համար ենք պայքարում, ինչ ենք ուզում: Եթե ուզում ենք մեր նյարդերը հանգստացնել, կամ 20-30 հոգանոց պիկետներով քաղաքացիական հասարակության իմիտացիա ստեղծել, ապա իհարկե
չարժի համագործակցել որևէ մեկի հետ, սակայն ամբողջ պատկերը փոխվում է, երբ մենք դնում ենք երկիրը կործանումից փրկելու խնդիր: Իսկ Հայաստանի փրկությունը դա օր առաջ Սերժ Սարգսյանի ռեժիմից ազատվելն է: Էնպես, որ Հայաստանի ապագայով մտահոգ բոլոր քաղաքական ուժերի և քաղաքացիների համար այսօր գոյություն ունի մեկ կարգախոս. Առաջ դեպի անսերժ Հայաստան:

Տեղեկատվական պատերազմներ. Արեգ Գևորգյան (ՀԱՐՑԱԶՐՈՒՅՑ-ՏԵՍԱՆՅՈՒԹ)

ԱԺ-ում «Հայ ազգային կոնգրես» խմբակցության ղեկավար Լեւոն Զուրաբյանի այն դիտարկումից հետո, թե անհրաժեշտ է ՀԱԿ--ԲՀԿ համագործակցությունը, քարոզչական ուղղորդված արշավ սկսվեց վերջինիս դեմ, ինչին մենք ականատես եղանք ե'ւ սոցիալական ցանցերում, ե'ւ իշխանամետ լրատվամիջոցների մակարդակով: Սոցիալական ցանցերում ծավալված քարոզչական «պատերազմների» մասին էլ «Դեմքեր» հաղորդման շրջանակներում զրուցել ենք «Հայ ազգային կոնգրեսի» երիտասարդ ակտիվիստ, անդամ Արեգ Գեւորգյանի հետ:

Արեգի հետ անդրադարձել ենք նաեւ ՀԱԿ-ի երկբեւեռվածության վերաբերյալ տարածված տեղեկատվությանը, այդ թվում եւ Նիկոլ Փաշինյան-Լեւոն Զուրաբյան հակադրության մասին լուրերին:

Աղբյուրը` Zham.am

Բողոքի ցույց նոյեմբերի 2-ին

Անթույլատրելի համարելով քաղաքացիների նկատմամբ քաղաքական հետապնդումներն ու քաղբանտարկյալների առկայությունը Հայաստանում` գտնում ենք, որ Կոնգրեսի երիտասարդների նկատմամբ իշխանությունների սանձազերծած արշավը մարտահրավեր է ողջ հանրությանը:

Հաշվի առնելով վերոնշյալը` «Հայաստանն առանց քաղբանտարկյալների» նախաձեռնությունը, ելնելով իր հիմնադրման հռչակագրում ամրագրված դրույթներից, նախատեսում է 02.11.2012 թ., ժ. 13:00 բողոքի ցույց անցկացնել ՀՀ վերաքննիչ քրեական դատարանի մոտ (ք. Երևան, Գարեգին Նժդեհի 23), որտեղ այդ պահին ընթանալու է Կոնգրեսի ակտիվիստների փաստաբանների ներկայացրած վերաքննիչ բողոքի առնչությամբ դատական նիստը:

Կոչ ենք անում քաղաքական կուսակցությունների, հասարակական կազմակերպությունների, քաղաքացիական նախաձեռնությունների անդամներին, Հայաստանն առանց քաղբանտարկյալների տեսնել ցանկացող քաղաքացիներին ակտիվորեն մասնակցել բողոքի ցույցին:

«Հայաստանն առանց քաղբանտարկյալների» նախաձեռնություն

http://www.facebook.com/groups/153837481427436/

Ի՞նչ երաշխիքներ են ստացել Վահեին սպանողները

Այսօր վերջապես պարզեցի ''Վահե Ավետյանի սպանության'' գործով անցնող մեղադրյալների թարմ և անհոգ դեմքերի պատճառը:

Այս հարցում ինձ օգնեցին ազատազրկման ընթացքում Նուբարաշեն ՔԿՀ-ում ձեռք բերված կապերը:
Ըստ նրանց` լուրեր են շրջում այն մասին, որ Նեմեց Ռուբոն հավաստիացրել է իր թիկնապահներին, որ վերջիններս երկար չեն մնալու անազատության մեջ: Իհարկե դատարանը նրանց մեղավոր կճանաչի, բայց երբ Սերժ Սարգսյանը հերթական անգամ նախագահ դառնա, լավության տակից անպայման դուրս կգա ու ''ադաթի'' համաձայն համաներում կկիրառի և փիար նպատակներով անազատության մեջ հայտնված ռեժիմի հավատարիմ ծառաները կրկին կհայտնվեն ազատության մեջ:

Սակայն ուզում եմ կոչ անել զուր հույսեր չփայփայել: Այս անգամ նա ձեզ քաշելու է.....
2013-ին Սերժ Սարգսյանը նախագահ չի դառնալու:

http://www.facebook.com/profile.php?id=100001052694966
Լուսանկար` Հայկական Ժամանակ

Կոչ չուզողներին` մի ընկեք ՀԱԿ-ի ոտքերի տակ

Կեղծ, ու դատարկ խոսքերով մի՛ փորձեք հիասթափեցնել, կամ ձեզ հարմար տրամադրություններ ստեղծել մարդկանց մոտ: Սրանք միմիայն կարող են խոչընդոտներ առաջացնել, այն ճանապարհին, որի համար` իբր մտահոգվելով դուք արտահայտվում էք:

Հիասթափվելու, կոտրվելու, չդիմանալու, կռանալու ու սողալով ապրելու պատրաստակամության մասին հայտարարելուց առաջ, մտածեք այն մարդկանց մասին, որոնք ինչ-ինչ պատճառներով ձեզ վստահում են: Հիշե՛ ք, որ ոչ մեկը երաշխավորված չէ հիասթափությունից, որովհետև ռեժիմի դեմ պայքարը իսկապես երբեմն դաժան, երկարատև և հյուծող պրոցես է: Եվ իհարկե` լինում են մարդիկ, որոնք չեն դիմանում ռեժիմի ճնշումներին, կամ տարատեսակ գայթակղություններին...

Բայց հիասթափություն քարոզելը` դա ստորագույն քայլ է: Ստորագույն քայլ է թե՛ քեզ վստահողների նկատամաբ, թե՛ զինակիցներիդ նկատմամբ, որոնք չեն թողնում մարտի դաշտը և, չնայած քո դասալքության, շարունակում են պայքարել:

Եվ լավ կլիներ, որ Կոնգրեսին մեղադրելուց, Կոնգրեսին փնովվելուց ու ընդհանրապես հրապարակային Կոնգրեսացավով տառապելուց առաջ ասեիք, թե ի՞նչ ինիկատի ունեք Կոնգրես ասելով, ի՞նչ դիրք էք դու՛ք ունեցել կամ ունեք Կոնգրեսում և ի՞նչով ու ի՞նչքանով էք դու՛ք նպաստել կամ նպաստում Կոնգրեսի ուժեղացմանը, ինչպես նաև, թե ե՞րբ էք դուք, որ մեղադրում էք Կոնգրեսի սեփական սխալները չընդունելու մեջ զբաղվել ինքնաքննադատությամբ և ո՞րոնք են ձե՛ր գործած սխալները... Անկեղծ եղեք...

Կոնգրեսը` 2008-ին Ազատության հրապարակում ժողովրդի «Պայքա՛ ր, պայքա՛ ր մինչև վե՛ րջ» երդման ծնունդն է: Կոնգրեսը Ես եմ, Կոնգրեսը մեզանից յուրաքանչյուրն է: Ուստի` հիասթափվելով Կոնգրեսից ու կասկածելով նրա ապագայի մեջ` կհիասթափվեմ ինձնից ու իմ ապագայից:

Քանի դեռ կամ ես` կա Կոնգրեսը, կա մինչև վերջ պայքարելու երդումը: Ոչ մի դեպքում չեմ դադարելու իմ երկրի լուսավոր ապագային հասնելու ճանապարհներ փնտրելուց և դրանք հետևողականորեն իրականացնելուց:

Կոչ եմ անում. կամ Կոնգրեսի հետ լծվեք Երազանքների Հայաստանի կերտմանը, կամ մի խոչընդոտեք Կոնգրեսին դատարկախոսություններով:

Արեգ Գևորգյան

 http://www.facebook.com/permalink.php?story_fbid=474794535898965&id=100001052694966&ref=notif&notif_t=like

Վահրամի ազատությունն ընդդեմ Սաֆարովի արտահանձնման

Հոկտեմբերի 23-ին դատարանի դահլիճից ազատ արձակվեց Բուդապեշտում կացնահարված հայ սպա Գուրգեն Մարգարյանի եղբայրը՝ Վահրամը, որը ի սկզբանե մեղադրվում էր սպանության մեջ: Դատարանը նրան մեղավոր ճանաչեց միայն ապօրինի զենք կրելու մեջ և դատապարտեց 1 տարի, 2 ամիս ժամկետով ազատազրկման: Եվ քանի որ Վահրամը արդեն 1 տարուց ավել է գտնվում էր բանտում նրա պատժաժամկետը համարվեց ավարտված: Այսպիսով` տեղի ունեցավ մի շատ անսովոր դատավարություն, երբ անհասկանալի պատճառներով մեղադրող դատախազը հանկարծ փոխեց ամբողջ մեղադրանքը, ինչի արդյունքում մեղադրյալը հայտնվեց ազատության մեջ:

Ուշադրություն դարձրեք. դատաքննությունը ավարտվել էր, կողմերը լսել էին վկաներին, նրանք հանդես էին եկել միջնորդություններով, ներկայացվել ու հետազոտվել էին գործով բոլոր ապացույցները: Այս ամենի ընթացքում դատախազը համառորեն մնացել էր այն դիրքորոշմանը, որ հենց Մարգարյանն է իրականացրել սպանությունը: Սակայն, երբ գործը հասնում է ավարտին և արդեն ժամանակն է գալիս պատժաչափը պահանջելու, դատախազը ամբողջովին փոխում է իր դիրքորոշումը և վերաձևակերպում է մեղադրանքը` հրաժարվելով Վահրամին սպանության մեջ մեղադրելուց: Թե՛ նախաքննության, թե՛ դատավարության ամիսներ տևած ամբողջ ընթացքում երիտասարդի անմեղության մեջ չհամոզված դատախազը հանկարծ կայացնում է այսպիսի որոշում: Հարց է առաջանում, թե ի՞նչը կարող էր ազդել մեղադրողի վրա, ի՞նչը կարող էր մտափոխել նրան և ստիպել կայացնել այսպիսի անհամաչափ որոշում: Իսկ ազդել է այն ինչ Հայաստանում մշտապես ազդում է թե՛ դատախազների, թե՛ դատավորների որոշումների վրա: Ազդել է նախագահական նստավայրից եկած կարգադրությունը:

Այն, որ այս գործը գտնվում էր նախագահականի ուշադրության կենտրոնում կասկած չի հարուցում: Ընդհանրապես` նրանց ուշադրության կենտրոնում պետք է լիներ Գուրգեն Մարգարյանին առնչվող ցանկացած երևույթ: Եվ նրա եղբոր դատը բացառություն չպետք է լիներ: Մանավանդ, երբ Վահրամի ավելի խիստ պատիժը կարող էր հասարակական դժգոհություն առաջացնել և լուրջ վտանգ հանդիսանալ առանց այդ էլ Սերժ Սարգսյանի հողին հավասարված վարկանիշի վրա: Այսինքն` գործի վերահսկողությունը նախագահականի կողմից արվում էր ոչ թե ազգային անվտանգության նկատառումներով, այլ «աթոռային անվտանգության» սկզբունքով:

Արդյունքում` դժգոհություններից խուսափելու նպատակով, որոշում է կայացվում ազատ արձակել սպանության մեջ մեղադրվողին: Ինչը, իր հերթին, փեսացույամերձ քարոզչամեքենան փորձելու է ներկայացնել, որպես Սերժ Սարգսյանի մարդասիրության դրսևորում` տարածելով այն միտքը, որ մի ընտանիքից երկու զավակի կորուստ շատ կլիներ. մեկը զոհվել էր թուրքի ձեռքից, իսկ մյուսը հայտնվել էր բանտում և, որ անկախ ամեն ինչից, եղբոր արժանիքների համար, հարկավոր էր ազատ արձակել Վահրամին, ինչը և «մեծահոգի» Սերժ Սարգսյանը արեց:

Այսպիսով` մենք գործ ունենք նախագահականի կազմակերպած հերթական էժանագույն փիարի հետ: Սերժ Սարգսյանը, որը իր հանցավոր անգործության արդյունքում ըստ էության թույլ տվեց Սաֆարովի արտահանձնումը և հերոսացումը այժմ այսպիսի քայլով փորձ է կատարում փրկել իր դեմքը` Վահրամ Մարգարյանի ազատ արձակումը դարձնելով յուրատեսակ պատասխան Ադրբեջանին և Հունգարիային:

Սակայն ամենասարսափելին այն չէ, որ Սարգսյանը փորձում է իր փիարով զբաղվել, սարսափելին այն է, որ տվյալ գործը հանդիսանում է հերթական ապացույցը այն բանի, որ մեր երկրում ազատություն շնորհողը կամ ազատությունից զրկողը ոչ թե դատարաններն են, այլ դրանք վերահսկող ռեժիմը: Հերթական անգամ մենք ականատեսը եղանք ընտրովի, ուղղորդված դատավճռի ինչպես Մարտի 1-ի գործերով, ինչպես Կոնգրեսի չորս երիտասարդների գործով և ինչպես Հանրապետության հրապարակում տեղի ունեցած պայթյունի գործով: Սա հերթական ապացույցն է, որ մեր երկրում դատական իշխանությունը անկախություն չունի, որ մենք ապրում ենք հանցագործ ռեժիմի լծի տակ, որից օր առաջ հարկավոր է ազատվել:
Արեգ Գևորգյան 

Փեսացուականները փորձում են արդարանալ

Միշիկը կրկին միացրեց իր խեղաթյուրման մեխանիզմը:

Միշիկա և սերժամերձ շրջանակները` հակադարձելով ԱԺ-ում Լևոն Զուրաբյանի արված հայտարարություններին մեզ` միամիտներիս փորձում են համոզել, թե ընդդիմադիր գործիչները, ի հեճուկս բազմաթիվ հրավերների, իրականում իրենք չեն ցանկանում գալ հանրայինի հեռուստաեթեր և որ ոչ մի տեղեկատվական շրջափակում և իշխանամերձ քարոզչություն Հ1-ը չի իրականացնում: Իսկապես համոզիչ հնչող փաստարկներ...

Հեռու չգնանք և հիշենք միայն օրերս Հ1-ի այն խանդավառությունով տարածվող ապատեղեկատվությունը, թե իբր Եվրոպական դատարանը ի վնաս Լևոն Տեր-Պետրոսյանի դատավճիռ է կայացրել, այն դեպքում, երբ դատավճռի կայացմանը, որից նախագահականում սարսափում են հրապարակվելու է ավելի քան 10 օր անց:

Եվ ընդհանրապես` լավ կլինի, որ փեսացուականները բացատրեն այսօր հենց Զուրաբյանի կողմից բացահայտված այն թալանը, որին ԱԺ-ում, ի դեպ, ոչ մի հակադարձում չեղավ, բացի Գալուստ Սահակյանի բարբաջանքներիվ: Բացատրեն թե ում հետ և ոնց են լափում տարեկան շուրջ 17 մլն դոլարը:

http://www.facebook.com/permalink.php?story_fbid=473999685978450&id=100001052694966&notif_t=like

Կեցցէ՜ Նոր, Ազատ Հայաստանը

''Խելացի'' քննադատներ ու ''հեղափոխականներ'' ջան, մեկնումեկդ տղամարդկություն կունենա ՀԱԿ քաղաքական գիծը քննադատելուց հետո մեկ հատ այլընտրանքային տարբերակ առաջարկի Սերժիկ Սարգսյանի ռեժիմից ազատվելու համար:
Հերիք եղավ նվնվաք...
Եթե դուք միշիկական պրոեկտներ չեք և եթե նախագահականից ներարկված ''Կոնսենսուս մինուս օլիգարխիա'' մառազմատիկ գծի վկաները չեք, այլ իսկապես կարծում էք, որ տարբերակ չկա, ապա ձեր լացուկոծով սթրվեք տեղներդ ու ոտքի տակ մի ընկեք:
Մենք գնում ենք դեպի անսերժ Հայաստան, իսկ ով չի գալիս մեղքը իրա վիզը...

Առա՛ջ, դեպի անսերժ Հայաստան
Կեցցէ՜ Նոր, Ազատ Հայաստանը
http://www.facebook.com/permalink.php?story_fbid=473841759327576&id=100001052694966&comment_id=5480625&notif_t=like

20 ոստիկան ընդդեմ մեկ ակտիվիստի

Օրերս Հյուսիսային պողոտայով էի անցնում ու Տերյանի խաչմերուկին մի 5-6 լուրջ դեմքերով ոստիկան նկատեցի (բերետ): Երևում էր, որ ինչ-որ մեկի անվտանգությունն ապահովելու համար էին էդտեղ. նրանց հետ քաղաքացիականով անվտանգության աշխատակիցներ կային, մոտակայքում մի քանի բարձրաստիճան ոստիկանների ու պաշտոնյաների մեքենաներ էին կայանված...
Չգիտեմ ում պաշտպանությամբ կամ անվտանգությամբ էին զբաղված` Վովա Գասպարյանի,
թե Ներսիկ Նազարյանի որդու, բայց որ էդ մարդու անվտանգությունը այդքան էլ հուսալի ձեռքերում չէր, միանշանակ էր...

Մտքումս բնական հարց առաջացավ այդ բարձրաստիճան այրերին.- Ձեր անվտանգությունը բերետների վստահելուց առաջ մի թե չե՞ք մտածում, որ կարող է հանկարծ ՀԱԿ-ի երիտասարդների հետ խնդիր ունենաք: Այն երիտասարդների, որ մի զարկով 20 բերետ են փռում: Այդ դեպքում ի՞նչ էք անելու, ո՞վ է ձեզ պաշտպանելու...:)

Ի՞նչ եմ ուզում ասել:
Քանի դեռ Կոնգրեսի 4 երիտասարդներին մեղադրում էք 30 և ավել ոստիկան ծեծելու մեջ, չհամարձակվեք ասել, որ Երևանում հասարակական կարգ է պահպանվում, չհամարձակվեք հավաստիացնել, որ Երևանի փողոցներն անվտանգ են:
4 երիտասարդից ծեծ կերած ձեր նվաստացածների «զորքը» չի կարող դա անել...

http://www.facebook.com/permalink.php?story_fbid=473118276066591&id=100001052694966&notif_t=like

Հայաստանը չի վստահում Սերժ Սարգսյանին

Ինչո՞ւ է հասարակությունը, մեղմ ասած, այսպես թերահավատորեն մոտենում վերջերս Սերժ Սարգսյանի ցուցաբերվող ակտիվությանը: Ինչո՞ւ հնարավոր չէ հավատալ նրա փոփոխություններ անելու ցանկությանը և, ընդհանրապես, նրա անկեխծությանը:

Միանշանակ է այն հանգամանքը, որ երկրի խնդիրների հանդեպ ցուցաբերվող «մտահոգությունը» հենց նախագահական ընտրությունների նախաշեմին արդեն իսկ կասկածի տեղիք է տալիս: Գործելակերպը վաղուց սովորական է դարձել Հայաստանի Հանրապետությունում: Իշխանությունները կառավարման ողջ ընթացքում վայելում են իրենց աթոռները` դույզն իսկ չմտածելով ժողովրդի մասին, իսկ ընտրություններից մի քանի ամիս առաջ անցնում են դատարկ խոստումներ տալու և երկրի խնդիրների հանդեպ արհեստական հետաքրքրություն ցույց տալու գործին:

Դժվար է վստահել մի մարդու, որը իր նախագահության ընթացքում համաժողովներ ու խորհրդակցություններ կազմակերպելու և երկրում իրական փոփոխություններ անելու երկարատև ժամանակ և հազարավոր հնարավորություններ է ունեցել, սակայն դա չի արել: Այսինքն`Սերժ Սարգսյանին առնվազն թերահավատորեն մոտենալու պատճառը ոչ թե նրա կազմակերպվող այժմյան թաթերական ներկայացումներ հանդիսացող, այլ նախկինում երկրում առկա լրջագույն խնդիրների վերաբերյալ չարված խորհրդակցություններն են:

Կեխծված ընտրությունների վերաբերյալ չարված խորհրդակցություն:

Սերժ Սարգսյանը պետք է կանչեր արտակարգ խորհրդակցություն 2008 կեխծված ընտրությունների հարցով քաղաքապետերի, մարզպետների, նախարարների, բարձրաստիճան ոստիկանների, օլիգարխների մասնակցությամբ: Այստեղ պետք է քննարկվեին ընտրակաշառքներ բաժանելու, լցոնումների, քաղաքացիներին ահաբեկելու, հեռուստաալիքների թեկնածուներին ոչ հավասարաչափ լուսաբանելու, կեղծ անձնագրերով քվեարկելու, ընդդիամդիր թեկնածուի վստահված անձանց նկատմամբ բռնություն գործադրելու, ավելի քան 500 հազար գոյություն չունեցող մարդկանց ընտրական ցուցակներում հայտվելու և այլ բազմաթիվ ընտրախախտումների մասին: Պետք է մատնացույց արվեին բոլոր մեղավորները, ԱԱԾ պետին ու դատախազին պետք է ցուցումներ տրվեին զբաղվելու կոնկրետ անուններով` նրանց քրեական պատասխանատվության ենթարկելու նպատակով: Իսկ «մեծ գլուխներից» խոսելուց առաջ կամ անմիջապես հետո Սերժ Սարգսյանը պետք է ընդուներ, որ ինքը` լինելով վարչապետ Սահմանադրության կոպտագույն խախտմամբ, առանց իր պաշտոնական լիազորությունները վայր դնելու մասնակցել է քարոզարշավին որպես թեկնածու, որ նույն Սահմանադրության 53.1 հոդվածի խաղտմամբ («Ռազմական եւ արտակարգ դրության ժամանակ հանրապետության նախագահի ընտրություն չի անցկացվում, եւ հանրապետության նախագահը շարունակում է իր լիազորությունների իրականացումը») ընտրությունների մաս կազմող Սահմանադրական դատարանի որոշման արդյունքում դարձել է ՀՀ նախագահ: Անմիջապես այս խոսքերից հետո, Սերժ Սարգսյանի անկեղծ լինելու դեպքում, մենք կլսեինք նրա հրաժարականի մասին հայտարարությունը:

Մարտի 1-ի սպանդի վերաբերյալ չարված խորհրդակցություն

Սա թերևս պետք է լիներ ամենակարևոր խորհրդակցությունը, որի չկազմակերպումը իհարկե սպասելի էր Սերժ Սարգսյանի արյունահեղության կազմակերպման հետ անմիջական կապ ունենալու պայմաններում: Սակայն, ազնվություն և պետական մտածողություն ունենալու դեպքում Մարտի 1-ի սպանդի արդյունքում նախագահ դարձած անձը պետք է բարձրաձայն խոսեր դրա մասին:

Պետք է խոսվեր մասնավորապես` ոստիկանական ուժերի մարտի 1-ի առավոտյան Ազատության հրապարակում խաղաղ ցուցարարների վրա հարձակմնաև և ծեծի ենթարկելու, այնուհետև Մյասնիկյանի արձանի շրջակայքում նրանց նկատմամբ հրազեն օգտագործելու կամ հատուկ միջոցները ոչ նշանակությամբ` քաղաքացիների գնդակահարման համար օգտագործելու, ցույցը դադարեցնելու նպատակով իշխանամերձ օլիգարխների թիկնապահներից կազմված զինված խմբավորումներ ներգրավվելու, ինչպես նաև արտակարգ դրություն հայտարարելուց, թե' առաջ, թե' հետո Սահմանադրության խախտմամբ ներքաղաքական խնդիրները լուծելու նպատակով բանակային ստորաբաժանումներ օգտագործելու (ՊՆ 0038 գաղտնի հրաման) և այս ամենի արդյունքում առնվազն 10 քաղաքացիների սպանության և հարյուրավորների վիրավորման մասին:

Պետք է հրապարակվեին բոլորին քաջ հայտնի մեղավորների անունները, ուժային բոլոր նախարարները պետք է հեռացվեին պաշտոններից և ենթարկվեին քրեական պատասխանատվության: Իսկ երբ խոսքը կրկին հասներ «մեծ գլուխներին» Սերժ Սարգսյանը պիտի խոսեր Ռոբերտ Քոչարյանի և իր տված հրամանների մասին, հայտարարեր իր հրաժարականի և այնուհետև որպես ամբաստանյալ ցուցմունքներ տալու պատրաստակամության մասին:

Հայաստանում քաղաքական հալածանքների առկայության վերաբերյալ չարված խորհրդակցություն

Նման խորհրդակցություն Սերժ Սարգսյանը կարող էր հրավիրել ցանկացած պահի` սկսած 2008 նախագահական ընտրությունների նախընտրական շրջանից (այն ժամանակ որպես վարչապետ) և մինչ օրս: Սակայն այդպիսի խորհրդակցություն չարվեց: Չխոսվեց քաղաքական հակառակորդների նկատմամբ շինծու գործերով քրեական հետապնդումների, չխոսվեց նրանց ազատազրկումների, նրանց ընտանիքի անդամների ահաբեկումների, ոստիկանության կողմից հասարակ քաղաքացիներին տեռորի ենթարկելու, հանրահավաքներ, ցույցեր չթույլատրելու, նրանց մասնակիցների ազատ տեղաշարժի իրավունքը խաղտելու, հավաքների օրերին ճանապարհները փակելու և այլ խնդրների մասին:

Չխոսվեց նաև այս ամենում մեղավորների, երկար տարներ ժողովրդի սիստեմատիկ ահաբեկումը կազմակերպող` դատավորների, դատախազների, ոստիկանների , բազմաթիվ բարձրաստիճան պաշտոնյաների: Խոսքը` Աղվան Հովսեփյանի, Վովա Գասպարյանի, Գորիկ Հակոբյանի և այլ նմանատիպ պաշտոնյաների մասին է:

Եվ իհարկե չկայացած խորհրդակցության վերջում մենք այդպես էլ չլսեցին Սերժ Սարգսյանի ինքնախոստովանությունը «մեծ գլուխների» վերաբերյալ առ այն, որ այս «ազգանվեր» գործում հրաման տվողը ինքն է եղել և ինքն է բռնության միջոցով փորձել իշխանություն պահել, որ հալածանքները Հայաստանում բացառելու փոխարեն այն դարձրել է գործիք քաղաքական հակառակորդների նկատմամբ հաշվեհարդար տեսնելու նպատակով:

Բանակում առկա խնդիրների վերաբերյալ չարված խորհրդակցություն

Էլ ով պետք է զբաղվի բանակում բարոյահոգեբանական վիճակի բարելավմամբ, եթե ոչ երկրի զինված ուժերի գերագույն գլխավոր հրամանատարը: Սերժ Սարգսյանը իմանալով թե' առկա խնդիրների մասին, թե' մեղավորների մասին, ունենալով ազդեցություն` մեկ ժամում կարող էր լուծումներ տալ դրանց:

Իսկ լուծումները շատ պարզ են, և եթե Սերժ Սարգսյանն այդքան մտահոգված է բանակում առկա խնդիրների հանրայնացումից` թշնամու ջրաղացին ջուր չլցնելու նպատակով, ապա որևէ խնդիր չեր լինի, որ տվյալ հարցերի լուծումը չտրվեին խորհրդակցությունների ժամանակ, տեսախցիկների առջև: Դրա կարիքը առավելևս չեր լինի, երբ բոլորը` այդ թվում և Սերժ Սարգսյանը հոյակապ գիտեն թե' մեղավորների անունները, թե' առավել վտանգավոր զորամասերը, որտեղ ամենից շատ զինվորներ են սպանվում կամ ինքնասպան լինում, թե՛բանակից ազատվելու կամ «լավ տեղ» ծառայելու սակագները և թե այդ գումարները ում միջոցով ում են տրվում և վերջում ում են հասնում:

Սակայն հանրայնացումից դժվար կլիներ խուսափել, երբ գործը հասներ  «մեծ գլուխներին»: Պետք է պաշտոնանկ արվեին և քրեական պատասխանատվության ենթարկվեին պաշտոնական դիրքի չարաշահման, կաշառակերության համար բոլորին լավ հայտնի պաշտոնյաները` ՊՆ նախարար Սերյան Օհանյան, նախկին ՌՈ պետ Վովա Գասպարյան, Գլխավոր շտաբի պետ Խաչատուրով և այլոք: Իսկ վերջում հարյուրավոր զինվորների մահվան, բանակում բարոյահոգեբանական վիճակի և մարտունակության նվազման պատճառ դարձած, այս խնդիրների նկատմամբ հանցավոր անգործություն ցուցաբերած Սերժ Սարգսյանը պետք է ներկայացներ իր հրաժարականի դիմումը:

Միջազգային ասպարեզում Հայաստանի դիրքերի թուլացման վերաբերյալ չարված խորհրդակցություն

Իրականում այս հինգ տարիների ընթացքում մենք ականատեսն ենք Հայաստանի արտաքին քաղաքականության վերաբերյալ բազմաթիվ խորհրդակցությունների, համաժողովների և այլ միջոցառումների: Քանակային առում սրանք իսկապես մեծ թիվ են կազմում, բայց բովանդակության և արդյունավետության առումով իրենցից ոչինչ չեն ներկայացնում: Հենց այսպիսի ձևական բնույթ կրող քաղաքականությունն էլ պատճառ հանդիսացավ մեր դիրքերի թուլացմանը:

Անկախ նրանից, որ կեղծված ընտրությունները, մարտիմեկյան սպանդը, ոչ օրինակարգ իշխանությունները, քաղբանտարկյալների առկայությունը անդառնալի բացասական հետևանքներ ունեցան մեր միջազգային վարկանիշի վրա, գործվեցին նաև այլ բազմաթիվ սխալներ: Ռոբերտ Քոչարյանի կողմից Ղարաբաղը, որպես կողմ բանակացային գործընթացից դուրս թողնելուց հետո, այս նույն քաղաքական գիծը հետևողականորեն շարունակեց Սերժ Սարգսյանը: Ցեղասպանության խնդիրը մնաց Հայաստանի արտաքին քաղաքականության առաջնային հարցերերից մեկը, այդպիսով անխուսափելիորեն դառնալով քաղաքական առևտրի առարկա, ինչը վերջիվերջո հանգեցրեց հայ-թուրքական արձանագրություններում 1915 թվականի դեպքերն ուսումնսիրող հանձնաժաղովի ստեղծման մասին կետի ամրագրմանը, որը ստորգրվեց Սերժ Սարգսյանի կողմից և ինչը ոչ այլ ինչ քան ցեղասպանության ուրացում դիտարկել չի կարելի: Իսկ վերջերս Ռամիլ Սաֆարովին Հունգարիայի կողմից արտահանձնումը և Ադրբեջանի կողմից հերոսացումը նույնպես իշխանությունների հանցավոր անգործության արդյունք էր:

Ելնելով նրանից, որ նախագահը Հայաստանի արտաքին քաղաքականության գխավոր պատասխանատում է, կարելի է ասել, որ այստեղ ամենևին խորհրդակցության և մեղավորների փնտրտուքի կարիք կարող է չլինել: Սերժ Սարգսյանին հարկավոր է առանձին սենյակ, մեկ հայելի, տղամարկություն և կամք սեփական սխալները ընդունելու և հրաժարականի մասին որոշումը կայացնելու համար:

Կոռուպցիայի, աղքատության, գործազրկության, արտագաղթի ծավալների մեծացման վերաբերյալ չարված խորհրդակցություն

Անզեն աչքով էլ կարելի է տեսնել, որ Հայաստանը հաստատուն անկում է ապրում գրեթե բոլոր բնագավառներում: Եվ եթե ցանկություն կա այս իրավիճակից դուրս գալու հարկավոր է ոչ թե մեկ-երկու, այլ ամնօրյա արտակարգ խորհրդակցությունների շարք կազմակերպել և փորձել երկիրը փրկել կործանումից: Երկրի նախագհի աթոռը զբաղցնող անձը և նրա գլխավորած կուսակցությունը լիովին կրում են ստեղծված իրավճակի պատասխանատվությունը, երբ հակառակ նրանց խոստումների Հայաստանը ոչ թե զարգանում այլ ետընթաց է ապրում:

Երկրի կառավարման համակարգը ավելի ու ավելի է թաթախվում կոռուպցիայի մեջ, սրա հետևանքով ահագնացող տեմպերով աճում է աղքատությունն ու գործազրկությունը: Արդյունքում ծայր առած արտագաղթը արդեն իսկ սպառնում է ազգային անվտանգությանը` վերջին 4-5 տարների ընթացքում դատարկելով երկիրը շուրջ 200 000 մարդով: Սրա հետ մեկտեղ օր-օրի աճում է մեր արտաքին պարտքը: Այն արդեն կազմում է մոտավորապես 4 մլրդ դոլլար, որի 2012-ից սկսվող սպասարկումը ծանրագույն հարված է հասցնելու պետական բյուջեին և ստիպելու է էլ ավելի մեծացնել պարտքերի թիվը:
Այս հարցերով չկազմակերպված խորհրդակցություններին պետք է մասնակցեին երևի թե ամենամեծ թվով մարդիկ: Այն բոլորն ովքեր օգտվում են ընդհանուր, իշխանական կերակրատաշտակից` պատգամավորներ, նախարարներ, քաղաքապետեր, մարզպետներ, օլիգարխներ, Սերժ Սարգսյանի ընտանիքի անդամներ: Այս խորհրդակցությունների արդյունքում տարիներով պետական հարստությունները հափշտակած բոլոր անձինք պետք է զրկվեին գողացված գումարներից ու պաշտոններից և ենթարկվեին քրեական պատասխանատվության: Նրանցից են` Ռոբերտ Քոչարյանը, Ալեքսանդր Սարգսյանը (Սաշիկ), Միքայել Մինասյանը (Միշիկ), Տիգրան Սարգսյանը, Հովիկ Աբրահամյանը, Արթուր Բաղդասարյանը, Արմեն Գեւորգյանը, Վարդան Այվազյանը, Գագիկ Խաչատրյանը, Արթուր Ջավադյանը և այլոք:

Իսկ Սերժ Սարգսյանը` ընդունելով իր երկիր ղեկավարելու անկարողությունը և տարիների ընթացքում վերոնշյալ անձանց հետ միասին ժաղովրդին անխղճաբար թալանելու իրողությունը պետք է առանց այլևայլությունների հեռանար զբաղեցված պաշտոնից:

Այսպիսով բազմաթիվ հանցագործություններ գործած, այսքան հնարավորություններ չօգտագործած ու այսքան ճակատագրական հարցերում թերացած մարդը անկախ կազմակերպվող տարատեսակ շոու-ներկայացումների քանակից չի կարող ժողովրդի կողմից համակրանքի արժանանալ: Այս տարիների ընթացքում Սերժ Սարգսյանը ՀՀ քաղաքացիներին կարողացել է համոզել մեկ բանում, որ ինքը հակաժողովրդական և հակապետական գործիչ է, որ նա առաջնորդվում է ոչ թե պետության, այլ անձնական շահերով, որ նա երբևիցէ կամովին չի հրաժարվի իր և իր մերձավորների բարեկեցության աղբյուր հանդիսացող աթոռից: 

Այսինքն` քաղաքացին նրանից ակնկալիքներ չի կարող ունենալ: Եվ քաղաքացուն մնում է միայն վերգտնել սեփական ուժերը ու զրկելով Սերժ Սարգսյանին իր աթոռից` դադարեցնել Հայաստանի պատմության այս ողբերգական ընթացքը:

Արեգ Գևորգյան