–Պարբերաբար արձանագրում եք, որիշխանության դիրքերն օր օրի թուլանում են։Բայց դրան զուգահեռ ավելանում ենոչիշխանական ուժերին ուղղվողհարվածները։ Արդյոք դա և՞ս իշխանությանթուլացման ակնհայտ ցուցիչ է։
–Կարելի է արձանագրել, որ գործող ռեժիմի պարագլուխ Սերժ Սարգսյանի թեթև ձեռքով ստեղծված է այնպիսի մի իրավիճակ, որ այնպիսի գործընթացը, ինչպիսին ռեժիմի քայքայումն է, անխուսափելի է: Հասարակությունն այլևս առաջնորդվում է ինքնապաշտպանության բնազդով, և ի դեմս ոչիշխանական ուժերի՝ իրավիճակը արմատապես փոխելու նպատակով անցել է ակտիվ գործողությունների: Իսկ իշխանություններն իրենց հերթին իրավիճակը մեղմելու որևէ լծակի չեն տիրապետում և յուրաքանչյուր քայլով է՛լ ավելի են ծանրացնում սեփական կացությունը:
Ինչ վերաբերվում է ոչիշխանական ուժերին ուղղվող հարվածներին, ապա, կարծում եմ, որ դրանք ոչ թե ավելանում, այլ դեռ մի բան էլ պակասում են: Իշխանություններն այդ առումով ոչ մի նորություն չեն առաջարկում: Կրկին գործի են դրվում արդեն բազմաթիվ անգամ օգտագործված և իրենց վաղեմության ժամկետը վաղուց սպառած իշխանահպատակ քարոզչամիջոցներն ու քարոզիչները, ինչը կրկին ռեժիմի թուլացած և փակուղային վիճակում լինելու ցուցիչ է:
–Քաղաքական ուժերի և քաղաքացիական հասարակության համարգործակցությունըձնագնդիի էֆեկտ ստանո՞ւմ է։
–Նման գործընթաց առկա է: Կարելի է ասել, որ ստեղծված են բոլոր նախապայմաններն այդ պրոցեսները արագացնելու և տրամաբանական ավարտին հասցնելու համար: Միայն հակաժողովրդական ուժերի դեմ հասարակական լայն համախմբումը կարող է ապահովել Սերժ Սարգսյանի վարչակարգի հեռացումը և նոր՝ օրինակարգ իշխանությունների ձևավորումը:
–4 ոչիշխանական ուժերի համագործակցությունը դեռևս ձևավորման փուլում է, սակայնկարո՞ղ ենք ասել՝ դրական արդյուքններն արդեն իսկ տեսանելի են։
–Ես կասեի, որ չորս ոչիշխանական ուժերի համագործակցությունը վաղուց արդեն ձևավորված է: Դրա ականատեսը մենք եղել ենք վերջին ամիսներին, երբ կարևորագույն հարցերի շուրջ այդ ուժերի հետևողական համագործակցությունը ԱԺ-ում բերեց Հանրապետական կուսակցության լիակատար մեկուսացմանը և իշխանությունների բազմաթիվ հանցավոր գործարքների ու այլ գործողությունների բացահայտմանը: Այլ հարց է, որ այժմ հասունացել է այդ համագործակցությունը զարգացնելու և դրա միջոցով քաղաքական դաշտում վճռական փոփոխություններ իրականացնելու պահը:
–Իսկ ի՞նչ կոչ կանեիք ոչիշխանական ուժերին պատվերով կամ ինքնաբուխ քարկոծողներին։
–Կարծում եմ, որ այդ շրջանակների մեծամասնությունը, որը առաջնորդվում է բացառապես իշխանությունների կոչերով, իմ կոչի կարիքը դժվար թե ունենա: Ինչպես ասում են՝ ընդդիմության կոչը գրպանդ չես դնի: Իսկ քիչ թե շատ անկեղծ մտահոգություններ ունեցող մարդկանց կհորդորեմ հնարավորինս շուտ զգացմունքային, հարցերի չլուծման դաշտից տեղափոխվել տրամաբանության և հարցերի լուծման դաշտ: Դա է պահանջում Սերժ Սարգսյանի հանցավոր կառավարման արդյունքում Հայաստանում ստեղծված օրհասական իրավիճակը:
Հարցազրույցը վարեց Արեգնազ Մանուկյանը
No comments:
Post a Comment