Հայ Ազգային Կոնգրես. ՀԱՅՏԱՐԱՐՈՒԹՅՈՒՆ

                                                       Հայաստանի հասարակությունն այսօր ցնցող լուր ստացավ այն մասին, որ Հունգարիայում հայ սպա Գուրգեն Մարգարյանի գազանաբար կատարած սպանության հեղինակ Ռամիլ Սաֆարովը ոչ միայն էքստրադիցիայի է ենթարկվել Ադրբեջան, այլեւ, ի խախտումն միջազգային իրավունքի բոլոր նորմերի, անմիջապես ազատ է արձակվել Ադրբեջանի նախագահ Ալիեւի որոշմամբ։ Այսպիսով, փոխանակ ստոր մարդասպանը մինչեւ վերջ կրեր իր արժանի պատիժը, որպես համարժեք հատուցում իր քստմնելի արարքի, արդարացվում է Ադրբեջանում եւ դառնում նրա ազգային հերոսը։ Մի կողմ դնենք, սակայն, այն իրողությունը, որ Ադրբեջանը որպես պետություն դրանով ստանձնում հրեշավոր այդ ոճրագործության ողջ պատասխանատվությունը. այլ բան մի պետությունից, որը բազմաթիվ ոճիրներ է գործել ԼՂՀ-ի եւ Հայաստանի բնակիչների դեմ, չէր էլ կարելի սպասել։ Տվյալ դեպքում շատ ավելի կարեւոր է Հայաստանի գործող իշխանության պատասխանատվության հարցը.

1. Հասկանալով Հայոց բանակի սպայի դեմ կատարված ոճրագործության դիմաց արժանի հատուցումը ապահովելու ողջ պատասխանատվությունը, Հայաստանի պատկան մարմինները, մասնավորապես՝ Արտաքին գործերի նախարարությունը, Ազգային անվտանգությունը, Պաշտպանության նախարարությունը, Անվտանգության խորհուրդը, մշտական ուշադրության կենտրոնում պետք է պահեին բոլոր զարգացումները եւ տիրապետեին այդ գործարքի նախապատրաստմանը վերաբերող ողջ տեղեկատվությանը։

2. Տիրապետելով այդ տեղեկատվությունը, օգտագործելով բոլոր դիվանագիտական լծակները, նրանք կանխարգելիչ քայլեր պետք է ձեռնարկեին՝ խնդիրը հրապարակավ բարձրացնելով ինչպես Հունգարիայի իշխանությունների, այնպես էլ Եվրոպական Միության եւ միջազգային հեղինակավոր կազմակերպությունների (ՄԱԿ, ԵԱՀԿ, ԵԽԽՎ եւ այլն) առջեւ։ Հանցագործի էքստրադիցիայի կանխարգելման համար պետք էր մոբիլիզացվեին նաեւ ինչպես հայկական սփյուռքի, այնպես էլ ժողովրդավարական հասարակայնության ուժերը։

3. Հայաստանի իշխանության հանցավոր այս անգործությունը, որի արդյունքն է ոճրագործի ազատ արձակվելը, մեկ անգամ եւս ցույց է տալիս, որ ի դեմս իշխող վարչախմբի մենք գործ ունենք ոչ թե ազգային շահով ու ազգային արժանապատվությամբ մտահոգ ղեկավարության, այլ բոլոր ջանքերը միայն սեփական հարստացման ու իշխանության պահպանմանն ուղղած գծուծ ու անկարող մի խմբակի հետ։

 ՀԱՅ ԱԶԳԱՅԻՆ ԿՈՆԳՐԵՍԻ ԿԵՆՏՐՈՆԱԿԱՆ ԳՐԱՍԵՆՅԱԿ

Սերժին ավելի ձեռնտու է ոչնչացված սփյուռք

                                         

                                                ***

Դեռ կան մարդիկ, որոնք գործող կառավարությունից ու իրեն նախագահ համարող Սերժ Սարգսյանից ինչ-որ տրամաբանական ու հայանպաստ քայլեր են սպասում: Խոսքս վերաբերվում է սիրիահայերի խնդրին: Բոլոր "միամիտներին" կառաջարկեմ պատասխանել մի քանի հարցի. ինչպե՞ս կարող է մի կառավարություն, որը ղեկավարվում է արտագաղթը պետական ծրագիր հայտարարած Տիգրան Սարգսյանի կողմից ձեռնարկել քայլեր սիրիահայերի ներգաղթը Հայաստան հեշտացնելու համար: Հո չեին թողնելու, որ գան էստեղ հեղափոխություն անեն: Ինչպե՞ս կարող է Սերժ Սարգսյանն, ում անձնական օգտագործման ՀՀ բյուջեն լցվում է միայն սփյուռքից եկած գումարներով Միկա Բաղդասարովի ձեռքից բռներ ու ասեր, որ սիրուն չի, տոմսերի գներն իջեցրու` մարդիկ գան հասնեն իրենց հայրենիք: Հո ինքն իրա ու իրա շայկայի թշնամին չի, որ ''օբշյակի'' փողերին վայիս լինի: Կարճ ասած, ցանկացած դեպքում գործող ռեժիմին ձեռնտու է ոչնչացված, այլ ոչ թե ներգաղթած սփյուռք:

                                             *** 
 

Էս ԱՍԱԼԱ-ն "Թուրք" անունը հենց լսում զարդնում ա:
Տղե'րք, սիրիահայերին Հայաստան տեղափոխվելուն խոչընդոտում են Հայաստանից, որովհետև ձեր "գաղափարակիցները" չեն ուզում միլիոնների աղբյուր հանդիսացող հայկական համայնքը կորցնել: Հա մեկ էլ հայերին հայ լինելու, արժանապատվություն ունենալու համար Հայաստանում մի քանի թուրքանման կա` դրանք են կոտորում:

                                             ***

Հեռուստացույցով տեսա Հայաստան վերադարձած սիրիահայերի դեմքերը, լսեցի նրանց հիասթափված ձայները: Մի բան կարող եմ ասել. այն տեղը, որտեղ մենք ապրում ենք կարող է կոչվել ամեն ինչ, բացի պետությունից: Մարդիկ այնքան մտահոգ չեն իրենց տները պատերազմի կիզակետում թողնելուց, ինչքան Հայաստանում ապրելու հեռանկարից: Դուք միայն սիրիահայերը դեմքերը պետք է տեսնեիք, երբ Հրանուշ Հակոբյանը նրանց կոչ արեց մոռանալ անցյալը, քանի որ նրանց ապագան այլևս Հայաստանում է: Էդ մարդկանց սիրտը կանգնեց...
  

Բա հայլուրի վարողները: Զարմացած ձայնով, օրը չորս անգամ հայտարարում են, որ սիրիահայերը Հայաստանում ունեն կրթության և աշխատանքի խնդիր: Պատկերացնու՞մ էք` մարդ Հայաստանում կրթության և աշխատանքի խնդիր ունենա: Այ քեզ հանելուկ...

Սերժիկին սպասարկող իրավապահները

                                                 ***
Համոզված եմ, որ Ռոբերտ Մելքոնյանի (Բազազ) գրառումները նրա ձեռքի գործը չեն: Ընդհանրապես նրա ֆեյսբուքյան ակտիվությունը շոումեն ոստիկանապետ Գասպարյան Վովայի (Ֆիքս) փիարշիկների կամ փիարշիկի հերթական հիվանդ երևակայության արդյունք է:
Սրանք էդպես էլ չհասկացան, որ ոստիկանների գործը չէ հասարակական գործունեությունը, քաղաքական գնահատականներ տալը: Որ ոստիկանը բերանը փակ, գլուխը կախ պիտի կատարի իր պարտականությունները: Որ ոստիկանը իրավունք չունի ընդունել փաստաբանի կամ դատախազի դերը: Հիմա կասեն, թե բա ոստիկանը մարդ չի՞, կարծիք ունենալու իրավունք չունի՞, նա էլ քաղաքացի է:
Հարցը կարծիք ունենալը չէ, այլ այդ կարծիքը իրենց դատարկ, ու ստրկամիտ գլուխներից այն կողմ չհանելն է: Ոստիկանական էթիկայի կոպտագույն խախտում է որևէ կողմի` անհատի, նախաձեռնության, քաղաքական ուժի շահերը սպասարկողի կամ հակառակը` քննադատողի դերը ստանձնելը:Ոստիականը, այն էլ փոխոստիկանապետը պետք է լինի օբյեկտիվության, անկողմնակալության մարմնավորում:

                                               ***

Մնում էր մենակ, որ կնոջ վրա անկաշկանդ ձեռք բարձրացնող ու հասարակական կարգը հայհոյանքներով պահող Բազազը կարծիքներ հայտներ ու կարծիքներ ձևավորեր: Մնում է մենակ բազազանմաններին գլխներիս "մտավորական" դարձնեն ու վերջ: 

Ֆեյսբուքահայեր ջան, որտե՞ղ է ձեր արժանապատվությունը... Թքեք ընդհանրապես նմանների ու նմանների կարծիքների վրա: Նրանք հասարակության մեջ պետք է դառնան "изгой":

                                               ***

Եվ այսպես` իրավապահ համակարգը ևս մեկ անգամ ցույց տվեց իր հավատարմությունը մարդասպաններին ծառայելու գործում: Իհարկե միամտություն կլիներ ակնկալել, որ Նեմեց Ռուբոն` Սերժ Սարգսյանի ռեժիմի հավատարմագույն ծառաներից մեկը կներգրավվի քրեական գործում որպես կասկածյալ: Ավելին` այս դեպքերից հետո, երբ նախագահականից ուղղորդվող քննչական մարմինները մաքրեցին Հայրապետյանի անունը քրեական գործերի էջերից համոզված կարելի է ասել, որ էլ ավելի կամրապնդվի հավատարիմ ու "գելի" (հասարակության) բերանից փրկված ծառայի և մեծահոգի տիրոջ փոխհարաբերությունները: Այսպես ասած, Նեմեցը խնդիր է ունենալու կրկնակի եռանդով լծվելու իր շեֆին տարատեսակ ծառայություններ մատուցելու գործին` լավության տակից դուրս գալու համար: Իսկ ամենակարևոր իրադարձությունը, որտեղ պետք են գալու հավատարիմ նեմեցներն ու նրանց մարդկային ֆինանսական ռեսուրսները, ինչպես նաև ընտրակեղծարարության ոլորտում հարուստ փորձը իհարկե 2013 թվականի նախագահական ընտրություններն են: Իսկ այն, որ ռեժիմը պատրաստվում է լայնածավալ ընտրակեղծիքների ցույց է տալիս ԿԸՀ-ի օրերս արված անձնագրերում անհետացող կնիքներ դնելու կարգի վերացման մասին առաջարկը, ինչը նշանակում է, որ արդեն գործի են դրվում ընտրակեղծարարության համար նախատեսված բոլոր գործիքները: Եվ պատահական չէ, որ այս երկու իրադարձությունները` "Նեմեցի փրկում" և "Կնիքի վերացում" ժամանակային առումով համնկնում են: Այս երկու իրադարձությունները լիովին ցույց են տալիս ռեժիմի ողջ էությունը: Այն, որ Հայստանում Նեմեց Ռուբոն, կնիքը ու անհետացող թանաքը ունեն նույն դերը, նշանակությունն ու արժեքը: Նրանք հանդիսանում են ուղղակի Սերժ Սարգսյանի իշխանությունը սպասարկող գործիք: Այսինքն` եթե անգամ գործիքները ժամանակի ընթացքում կամ հասարակական ճնշման հետևանքով փոխվեն, ապա երբեք չեն վերանա, քանի դեռ կա նրանց պահանջարկը, քանի դեռ գոյություն ունի ինքն իրենով խնդիր հանդիսացող, ամեն գնով իշխանություն պահելու և վերարտադրության նպատակ ունեցող Սերժ Սարգսյանը:

                                             ***

Ոստիկանությունը բացահայտել է "Հանցաքարում" տեղի ունեցած սպանության իրական պատճառը: Դեպքը տեղի է ունեցել ոչ թե Սերժ Սարգսյնի վարչախմբի կողմից ստեղծված ամենաթողության, անպատժելիության մթնոլորտի հետևանքավ, այլ Վահե Ավետյանի մոտ զենք չլինելու պատճառով: Ելնելով վերոնշյալից ոստիկանությունը կառավարության հաստատմանն է ներկայացրել քաղաքացիների համար զենքի ձեռք բերումը հեշտացնող օրենքի նախագիծ: Այսինք, իշխանությունները քաղաքացիների պաշտպանվածությունը բարձրացնելու նպատակով մտածում է ոչ թե իր պարտականությունների պատշաճ կատարման, այլ դրանք քաղաքացիների վրա գցելու մասին` ասելով. "Ահա ձեզ զենք, գնացեք ու ինքներդ պաշտպաննվեք վայրենիներից": Սակայն կա մեկ նրբություն. եթե անգամ բթամիտ "թիկնապահների" զոհը փորձի պաշտպանվել մեկ ատրճանակով, ապա նրա դեմ կհանվի էնպիսի մի "առսենալ", որ 100 մետր շառավիղով բոլոր չհնազանդվողների ''վնասազերծումը'' ապահովված կլինի: Իրականում սա Ռուսաստանում կատարվող ոստիկանական բարեփոխումների ծրագրից (վերջերս այնտեղ էլ ընդունվել է նման մի նախագիծ) պարզագույն թխոցի է, որի նպատակն է ստեղծել Վովա Գասպարյանի "Ռեֆորմատորի" կերպարը և բարձրացնել ոստիկանության` գոյություն չունեցող վարկանիշը: Օրենքը տեղավորվում է նաև ազգաբնակչության նվազեցման ջատագով Տիգրան Սարգսյանի ծրագրերի շրջանակներում: Հայաստանի հայաթափման պրոցեսը զգալիորեն կարագանա ինքնասպան լինող հասարակությանը զենք բաժանելու պարագայում:
Ստացվում է, որ քաղաքացիներին զենք են բաժանում քաղաքացիների կյանքը դժողք դարձրած, նրանց արժանապատվությունը նվաստացնող, նրանցից չհանդուրժողներին ու չհամակերպվողներին բանտերը նետող, ամեն քայլափոխի թալանող հանցագործ իշխանությունները: Այսինքն, եթե գոյություն ունի մի ուժ, որից իսկապես կարիք կա պաշտպանվելու, ապա դա հենց գողերից ու մարդասպաններից որևէ կերպ չտարբերվող ոստիկաններն ու նրանց գլխին կանգնաց ռեժիմի ներկայացուցիչներ են` Սերժ Սարգսյանի գլխավորությամբ:

Ապաշնորհ Սերժ Սարգսյանը

                                                     ***

Ռուսների սթափ մտածելակերպի պահպանումը նախանձ է առաջացնում: Կասպարովը իրեն ծեծողներին, ոչ էսկոմ, ոչ էնկոմ անվանում է Պուտինի ավազակներ: Նորմալ, շախմատիստի տրամաբանություն...
Իսկ մենք` միշիկական քարոզչության զոհ դարձած հեղափոխականներս մտքով էլ անգամ չենք անցկացնում, որ, օրինակ, Վահեն ոչ թե Նեմեցի, այլ Սերժիկի ավազակների զոհն է:

                                                    ***

Սերժիկ Սարգսյանը փորձում է մեզ վախեցնել իր խղճուկ բանտերով, որոնցում արդեն իսկ տեղ չկա: Երբ Նուբարաշենի բերդում էի, մեր խցում, որը նախատեսված է առավելագույնս 8 հոգու համար իրենց ''պատիժն'' էին կրում 24 հոգի:
Ենթադրենք, որ մի 200 հոգի հանրապետության տարբեր բանտերում զոռով տեղավորեցիր, բա մնացածին ինչ էս անելու, այ բռնապետիկ...
 

                                                   ***

Սերժ Սարգսյանի իշխանության ապաշնորհության, իրավիճակներին ոչ ադեկվատ արձագանքելու պատճառով Սիրիայում բնակվող մեր հայրենակիցներն այդպես էլ չկարողացան տեղափոխվել ավելի անվտանգ ու ապահով շրջաններ կամ ժամանակավորապես տեղափոխվել Հայաստան: Այժմ արդեն խոսվում է կառավարական և ապստամբ զորքերի բախումների մասին Հալեպի հայաբնակ թաղամասերում, ինչի պարագայում մեզ մնում է միայն աղոթել սիրիաբնակ մեր հայրենակիցների անվտանգության համար:

Միշիկական քարոզչության զոհերը

Օրերս իմացա, որ գոյություն ունի մարդկանց մի տեսակ, որոնք բողոքում են Կոնգրեսի չորս երիտասարդների ապօրինի դատապարտման դեմ, սակայն, տվյալ դեպքում չեն տեսնում Սերժ Սարգսյանի գլխավորությամբ Հայաստանում գործող ռեժիմի մեղավորությունը և վատ են զգում, երբ ի պաշտպանություն ՀԱԿ երիտասարդների կազմակերպված բողոքի երթի ժամանակ ''Սերժիկ` հեռացի'ր'' վանկարկումներ են լինում: Այսինքն կան մարդիկ, որոնք կարծում են, թե քաղաքական հետապնդումները իրականացվում են առանց իշխանությունների իմացության, որ Հայաստանում դատական համակարգը արդար ու անկախ է և տվյալ դեպքն ուղղակի լուսնից է ընկել, որ Սերժ Սարգսյանն իսկապես ընտրվել է նախագահ, որ նրան նախագահ դարձնելու համար չեն գնդակահարվել, չեն դատապարտվել ու հալածանքների չեն ենթարկվել անմեղ ՀՀ քաղաքացիներ, որ տարիներ շարունակ հակաբռնապետական ալիքը, որի առաջին շարքերում կանգնած են եղել նաև հենց այդ երիտասարդները չի ճնշվել Սերժ Սարգսյանի ու նրա շրջապատի նեղ անձնական շահերը սպասարկող ոստիկանության, դատախազության, դատարանների կողմից...
  Համոզված եմ, որ եթե այս մարդիկ Սերժի վրայից ուշադրույթուն շեղելու առաքելություն ունեցող ԱԱԾ-ական պռոեկտներ չեն, ապա շատ հանգիստ նրանց կարելի է անվանել միշիկական քարոզչության զոհեր: Իսկ եթե դա այդպես է, նշանակում է նրանք ունեն մեր օգնության կարիքը: Մեր օգնությամբ նրանք պետք է հասկանան, որ իրական խնդիրը ոչ թե ազատազրկված երիտասարդներն են, ոչ թե ծեծվողներն ու սպանվողներն են, ոչ թե սովն ու աղքատությունն է, այլ այդ ամենի պատճառ հանդիսացող անարդարության ու անպատժելիության մտնոլորտը, որի հեղինակը արյան գնով իշխանության եկած ռեժիմն է: Այս մարդիկ կհասկանան, որ եթե Հայաստանի Հանրապետությունում կա մեկ մարդ, ով անկասկած պետք է դատապարտվի ազատազրկման ու իր հանցակիցների հետ հայտնվի ճաղերի ետևում, ապա դա հենց նախագահականում հայտնված Սերժիկ Սարգսյանն է:

Հետևություններն արեք ինքներդ

Թոխմախի Մհերի քրոջ տղան, որ կալանավորվել էր ապօրինի զենք զինամթերք կրելու և խուլիգանության համար հանրահայտ Շմայսի ստորագրությամբ ազատ է արձակվել... Միևնույն ժամանակ, Հայաստանում արդարության վերականգնման համար պայքարող, Սերժ Սարգսյանի ու նրա մերձավոր շրջապատի հանցավոր գործունեությունը չհանդուրժող Կոնգրեսի երիտասարդներից մեկը մեկ տարուց ավել է ինչ գտնվում է բանտում և ըստ դատավճռի դեռ հինգ տարի էլ պետք է անցկացնի էնտեղ, իսկ մնացած երեքը դատապարտվել են մինչև երեք տարվա ազատազրկման իբր խուլիգանություն կատարելու համար:
Հետևություններն արեք ինքներդ...

Պայքարեք ռեժիմի, այլ ոչ Կոնգրեսի դեմ

Մարդիկ իրենց թիմից դուրս են գալիս ասելով, թե համաձայն չեն պայքարի մեթոդների հետ:
Շատ լավ: Ես ոչ մի պրոբլեմ չեմ տեսնում էդտեղ: Այսինքն, եթե ավելի լավ ձև գիտեք, ապա գնացեք, կռվեք, ես էլ ձեզ ինչով կարենամ կաջակցեմ: Բայց ամբողջ խնդիրն այն է, որ հեռացողներդ ոչ թե սկսում էք նոր մեթոդներով պայքարել ռեժիմի, այլ շարունակում էք հին մեթոդներով պայքարել Կոնգրեսի դեմ:
  Հարվածելով Կոնգրեսին հարվածում էք հակասերժական պայքարի ելած ժողովրդական գլխավոր ուժերին և այդպիսով նպաստում էք ռեժիմի կյանքի երկարացման գործին: Բազմիցս ասել ու նորից եմ կրկնում, եթե անկեղծ էք, եթե ձեր գործունեութոյունը չի սնուցվում միշիկական փողերով, ապա ձեր թիրախը դարձրեք միմիայն վարչախմբին ու նրա գլխին կանգնած գլխավոր հանցագործ Սերժիկ Սարգսյանին:

Սերժի՛կ, այդպես էլ Սերժ չդարձար

Սերժիկ Սարգսյանն այդպես էլ նախագահ չդարձավ: Ամբողջ պետական քարոզչամեքենան, որ միլիոնավոր դոլլարներ է խժռում, այդպես էլ չկարողացավ Սերժիկին դարձնել Սերժ, այդպես էլ չկարողացավ ստեղծել նրա խարիզմատիկ, ընդունելի կամ գոնե վախենալու բռնապետի կերպարը: Նա այդպես էլ մարդկանց գիտակցության մեջ մնաց որպես ինչ-որ անհասկանալի, անորոշ մի երևույթ, որ արյան գնով հայտնվեց նախագահականում, բայց այդպես էլ չկարաղացավ դա մարսել, լակոտի պես վազվզեց եվրոպաների, ամերիկաների ու ռուսաստանների ետևից, բոլոր կողմերից քցվեց իսկ երկիրը հասցրեց կործանման եզրին ոչ այնքան միտումնավոր, որքան ապաշնորհության և պետական մտածողության բացակայության պատճառով:

Ի՞նչ եմ ուզում ասել... Սերժի՛կ, ոտքերդ յորղանի գյորա ձգի, Կոնգրեսի չորս երիտասարդների` Սարգիս Գևորգյանի, Արտակ Կարապետյանի, Տիգրան Առաքելյանի, Դավիթ Քիրամիջյանի ազատազրկումը չես մարսի, բգիտ ենք կանգնելու: Քո հեռացումն անխուսափելի է: Մի բարդացրու քո առանց այն էլ ծանր կացությունը:

Եվրոպան աջակցո՞ւմ է բռնապետերին. ՏԵՍԱՆՅՈՒԹ

  Կոնգրեսի ակտիվիետներին ազատազրկման դատապարտող հայտնի դատավճռի հրապարակումից մոտ 10 օր առաջ Հայաստանում Ֆրանսիայի արտակարգ և լիազոր դեսպան Անրի Ռենոն լրագրողների հետ հանդիպման ժամանակ խոսում է 2008-2011 թվականներին իրենց քաղաքական հայացքների համար ձերբակալված անձանց մասին` անվանելով նրանց քաղբանտարկյալներ, սակայն չակերտների մեջ: Դուք կասեք, թե սա պատահականություն է, բայց ես չեմ հրաժարվի այս երկու իրադարձություններն անմիջականորեն իրար կապելու գայթակղությունից:

  Բոլորս լավ գիտենք, որ Հայաստանի Հանրապետությունում գործող ռեժիմի թիվ մեկ խնդիրը դա իշխանության ղեկին մնալն է: Եթե շատ հեռուն չգնանք, ապա սկսած Մարտի 1-ի սպանդից, իշխանությունները ոչ մի արգելքի առջև չեն կանգնել իրենց վերարտադրությունն ու թալանելու ունակությունները պահպանլու համար: Եվ ապացուցված փաստ է, որ Սերժ Սարգսյանն ու նրա մերձավոր շրջապատը իրենց վերոնշյալ առաքելությունը հեշտացնելու համար պատրաստ են իրենց համար վտանգ ներկայացնող թե' քաղաքական ուժերի ներկայացուցիչներին, թե' ուղղակի քաղաքացիներ ոչնչացնել ֆիզիկապես կամ առնվազն նետել բանտերը: Սակայն կա մի գերբնական ուժ, որը զսպում է չարագործներին և ստիպում ընտրել ավելի մեղմ միջոցներ տարատեսակ ընդվզումների դեմ պայքարելու համար: Իսկ ավելի ճիշտ այդ ուժերը երկուսն են: Առաջինն իհարկե ՀՀ քաղաքացիներս ենք, որ չափից ավել ճնշվելու, հալածվելու դեպքում կարող ենք ուղղակի դուրս գալ անվերահսկելի, կենաց մահու կռվի, ոչ թե ավելի բարեկեցիկ կյանքով ապրելու, այլ ուղղակի վրեժխնդիր լինելու համար: Արդյունքում անխուսափելիորեն առաջանալու է մի ալիք, որ ուշ թե շուտ սրբել տանելու է վարչախմբին: Իշխանությունների` քաղաքացիների դեմ պայքարում զսպվածության մյուս պատճառը իհարկե արտաքին աշխարհն է, որի ցանակությունները նրանք ստիպված են թեկուզ կիսատ պռատ, բայց կատարելու դրսից եկող փողից ու քաղաքական աջակցությունից չզրկվելու նպատակով: Այս երկու ուժերի համադրությունն էր, որ 2011-ին Սերժ Սարգսյանին ստիպեց տեղի տալ ու վերջապես ազատ արձակել քաղբանտարկյալներին: Եվ կրկին երկրում քաղբանտարկյալներ ունենալուց առաջ ռեժիմը ուշի ուշով պետք է հետևած լիներ թե' ներքին և թե' արտաքին ազդակներին: Ինչքան էլ որ ներքին իրավիճակը հղի լիներ անկանխատեսելի դառնալու վտանգով, Եվրոպական հզորագույն տերություններից մեկի` Ֆրանսիայի արտակարգ և լիազոր դեսպանի կողմից քաղբանտարկյալ բառը չակերտների մեջ օգտագործելն անկասկած կարելի է ենթադրել, որ հանդիսացել է դրսից եկած ''դաբրոներից'' մեկը: Եվ պատահական չէր ֆրանսիացի դիվանագետի խոսքերից հետո ընդդիմադիր չորս երիտասարդներին մինչև վեց տարվա ազատազրկման դատապարտելը:

Մարդու իրավունքների` որպես համամարդկային արժեքների ջատագովը հանդիսացող Եվրապական ընտանիքի անդամներն իրավունք չունեն այսպիսի անպատասխանատու և հակամարդկային վարվելակերպ դրսևորել:

                           

                           Ֆրանսիայի դեսպանը քաղբանտարկյալաների մասին 
                                    

                                   

Ոստիկանուհիների սուրբ առաքելությունը

Photo by Sahak Muradyan

Վերջապես պարզվեց, թե ինչ ''սուրբ առաքելությամբ'' է աղջիկ հատուկ ջոկատայիններ ծառայության վերցրել Վովա Գասպարյանը: Բացի Հյուսիսային պողոտայով քայլելուց ուրիշ բան չեի տեսել անեն, բայց այսօր խոսաց նրանց մեջի ''հայրենական ոստիկանի'' ոգին. Ազատության հրապարակում ջղայն դեմքով վերցրեց մեր կողմից բաժանվող` օգոստոսի 9-ի և դրան հաջորդած դեպքերի մասին պատմող թռուցիկն ու պատռեց` աներևակայելի բավարաված դեմք ընդունելով այդ պահին:

Հայտարարություն. ՀԱԿ անդամներ Վահագն Գևորգյան, Արեգ Գևորգյան և Սահակ Մուրադյան

Նախորդ տարվա օգոստոսի 9-ի հայտնի  իրադարձություններից մոտ մեկ տարի անց, մեր ընկերներ Տիգրան Առաքելյանը, Դավիթ Քիրամիջյանը, Սարգիս Գևորգյանը և Արտակ Կարապետյանը Սերժ Սարգսյանի ռեժիմը սպասարկող դատարանի կողմից դատապարտվել են 2-6 տարի ազատազրկման, իսկ մեր՝ Վահագն Գևորգյանի, Արեգ Գևորգյանի և Սահակ Մուրադյանի նկատմամբ հարուցված քրեական գործը կարճվել է, իբր ապացույցների բացակայության պատճառով: Կարճման այս որոշումը բավարար է ապացուցելու համար, որ կայացված դատավճիռը ձևակերպվել է Բաղրամյան 26-ում և հանդիսանում է սովորական քաղաքական հետապնդում, որը առնչություն չունի արդարադատության, օրինականության և ընդհանրապես տրամաբանության հետ:
Ի սկզբանե մեր ձերբակալման և մեր ընկերների կալանավորման ու ազատազրկման հիմքերն եղել են երկուսը` ոստիկանության տեսանկարահանման խիստ մոնտաժված տարբերակը, որոմ բոլորս էլ ներկայացվում ենք իբրև հանցագործներ և կարմիր բերետավորների ցուցմունքները, որոնք 7-իս վերաբերյալ բովանդակային տեսանկյունից նույնն են և որևէ կերպ մեզ երեքիս չեն առանձնացնում, մասամբ մեզ մեխսագրված արարքները նաև ավելի ծավալուն են:
Ստորև ներկայացվում ենք բազմաթիվ օրինակներից մի քանիսը.
Ոստիկանության կապիտան Սամսոն Հենրիկի Ղարիբյանը դատական նիստերի դահլիճում հայտարարում է. “ Իմ աչքի տեսածով Արեգն էր հայհոյում…”, “Գևորգյան Վոլոդյաին հարվածել է Արեգ Գևորգյանը”:
Քրեական հետախուզության օպեր-լազոր Արտակ Հայրապետյանը իր ցուցմունքում նշում է. “ Բերման ենթարկված 7 երիտասարդները իրենց պահում էին շատ ագրեսիվ` վիրավորական խոսքեր էին ասում, հայհոյանքներ էին տալիս, քաշքշում, հրում, հարվածում էին սեղաններին աթոռներին”:
ՊՊԾ գնդի 3-րդ հատուկ գումարտակի ոստիկան Տիգրան Ավետիսյանը դատական նիստերի դահլիճում նշում է. “ Տիգրան Առաքելյանին պարեկային մեքենան նստեցնելուց մի խումբ երիտասարդներ Վահագն Գևորգյանի գլխավորությամբ փորձում էին խոչնդոտել մեզ, փորձում էին ազատել Տիգրան Առաքելյանին մեր ձեռքերից…”:
Միևնույն ապացույցների հիման վրա 4 հոգի դատապարտվել է ազատազրկման իսկ մենք 3-ս արդարացվել ենք: ՀՔԾ վարույթում գտնվող քրեական գործի կարճումը վկայությունն է այն բանի, որ պատկան մարմինները ուզում են ստեղծել օբյեկտիվության տպավորություն և մեղմել ապօրինի դատավճռից առաջաված հասարակական ճնշումը: Սակայն այս քայլով իշխանությունները մեզ տվեցին ևս մեկ հիմնավոր ապացույց այն բանի, որ վերոնշյալ քրեական գործը հարուցման իսկ պահից եղել է շիծու և կրել է քաղաքական բնույթ:
Կրկին անգամ հաստատում ենք մեր վճռականությունը՝ անկախ բանտերում հայտնվելու հեռանկարից, պայքարել մեր ընկերներին ազատ աձակելու և քաղաքական հետապնդումներ իրականացնող ռեժիմը տապալելու համար:

Եկել է ժամանակը արդարություն պարտադրելու

Վերջին հինգ տարիների ընթացքում արդարության պահանջով դիմել ենք բոլորին ում հնարավոր էր դիմել: Մեր պահանջը հնչեցրել ենք բազմաթիվ պետական հիմնարկների դիմաց: Բայց մի պահ եկեք մեզ հարց տանք`ումից ենք արդարություն պահանջում: Ոստիկանությունից, որ բռնապետական ռեժիմի ամենահավատարիմ սպասարկուն է, որ երբեք կաշկանդված չի եղել անզեն եւ խաղաղ քաղաքացիների նկատմամբ ուժի գործադրումից: Դատախազությունից, որ հազարավոր գործեր կարեց Մարտի 1-ի խաղաղ ցուցարարների վրա ու շարունակում է դա անել նաեւ այժմ: Դատարանից, որ կորցրել է իր անկախությունը ու կատարում է քաղաքական պատվեր: Իսկ մի գուցե խորհրդարանից, որի անդամների ճնշող, որոշումներ կայացնող մեծամասնությունը լեգիտիմ չեն եւ ԱԺ են մտել իրենց սեւ գործերի համար ճանապար հարթելու համար: Կամ նախագահականից, որի պարունակությունը արյան գնով է հայտնվել այդ շենքում, Սերժիկ Սարգսյանից, որը բազմած է տասը սպանվածների արյան վրա, գերտերություններից, որոնք, ինչպես ցույց է տալիս մեր պատմությոնը, առաջնորդվում են ոչ թե համամարդկային արժեքներով, այլ բացառապես իրենց շահերով: Իրականում Կոնգրեսի ակտիվիստների դատավարության ժամանակ մենք ստացանք այդ հարցի վերջնական պատասխանը: Սա ազդակ պետք է հանդիսանա ողջ հայության համար, մեր հայրենիքը վտանգված է եւ այլեւս արդարություն պահանջելու ժամանակը չէ: Եկել է ժամանակը արդարություն պարտադրելու:

Տեռորի՞ստ, թե քաղբանտարկյալ

Մեկ կարևոր հանգամանք. երբ արդեն պարզ դարձավ, որ մեզ ազատ չեն արձակելու և շուտով տեղափոխելու են ՁԱՊՎ (խոսքս 2011թ. օգոստոսի 9-ի դեպքերի մասին է) հանկարծ ոստիկանության բաժնում հայտնվեցին ԱԱԾ աշխատակիցներ և սև համազգեստներով դիմակավոր հատուկ ջոկատայիններ: Ոստիկանության շենքը բոլոր կողմերից պահվում էր (չգիտես ումից) սաղավարտավոր ոստիկանության զորքերի կողմից:
Մեզ ուղեկցում էին առանձին-առանձին: Յուրաքան
չյուրիս համար նախատեսված էր մեկ ''Գազել'', որի մեջ նստած էին 3 ՊՊԾ աշխատակից, 3 բերետ և 2 դիմակավոր հատուկ ջոկատային, յուրաքանչյուր ''Գազել'' ուղեկցվում էր մեկ ոստիկանական վերակարգի կողմից: Ընդհանուր շարասյունը կազմված էր մետ 20 ավտոմեքենայից: Ամբողջ ընթացքում ճանապարհային ոստիկանության կողմից կանգնեցվում էր երթևեկությունը...
Եթե չեմ սխալվում, վերջին անգամ Երևանի փողոցներով այսպես բերման են ենթարկվել ԱԺ ներխուժած տեռորիստները: Իսկ թե ինչու էին ''խուլիգաններին'' այսպես տեղափոխում և թե ինչ վտանգ են նրանք ներկայացնում ազգային անվտանգության համար երևի թե լավ տեղյակ էին Բաղրամյան 26-ում: Կարծում եմ` որևէ մեկի մոտ կասկած չկա, որ այսպիսի բոեվիկը կարող էր հրահանգավորված լինել միայն ամենաբարձր մակարդակով:

http://www.facebook.com/permalink.php?story_fbid=445851965459889&id=100001052694966&notif_t=like

Ֆլեշ-Մոբ. VIDEO

2011 թ. օգոստոսի 9-ի դեպքերի մեկ տարին լրանալու և դրան հաջորդած Հայ ազգային կոնգրեսի ակտիվիստների նկատմամբ ապօրինի քրեական հետապնդման, իսկ այնուհետև հուլիսի 20-ի դատավճռով նրանցից 4-ին` Սարգիս Գևորգյանին, Արտակ Կարապետյանին, Տիգրան Առաքելյանին, Դավիթ Քիրամիջյանին մինչև 6 տարվա ազատազման դատապարտելու կապակցությամբ Հայ ազգային կոնգրեսի երիտասարդները Հյուսիսային պողոտայում կազմակերպել էին ֆլեշ-մոբ:

Young members of the opposition bloc Armenian National Congress (ANC) organized a flash mob in Northern Avenue, in Yerevan. #Armenia The action commemorated the events on August 9, 2011, and the resultant prosecution of ANC activists.An incident involving young ANC members and policemen occurred on August 9, 2011. The activists were detained.

On July 20, 2012, Tigran Arakelyan was sentenced to six years’ imprisonment. The other ANC activists were sentenced to 3- and 2-year imprisonment.