Օր, երբ պետք է որոշվի Հայաստանի հետագա ընթացքը

Ինքս ուսանող չեմ, բայց որ ուսանող էլ լինեի ինձ մոտ բնական հարց կառաջանար՝ հիմա դասադուլ անեմ, որ ի՞նչ լինի:

 
Հարգանքի արժանի են այն երիտասարդների գործողությունները, որոնք քանի օր է արդեն համառորեն շրջում են Երևանի ԲՈՒՀ-երի մոտով, կռիվ են տալիս, կոչ են անում դասադուլ անել: Իսկապես մենք ունենք այսպիսի երիտասարդների կարիք: Իհարկե, այսօր Հայաստանում կան նպաստավոր պայմաններ ցանկացած տիպի քաղաքացիական անհնազանդության միջոցառում իրականացնելու համար: Ավելի ճիշտ, Հայաստանում կա կուտակված դժգոհության էներգիա, որը կարիք ունի ռացիոնալ ծախսման:

Կներեք, բայց անորոշ կոչերը չեն կարող հակակշիռ դառնալ հանրապետական դասախոսների ու ուսխորհուրդների սպառնալիքներին:

Ասածս ինչ է՝ դասադուլը շատ լավ է, բայց այն չի կարելի դիտարկել, որպես արդյունք, այն պետք է լինի գործիք արդյունքներին հասնելու համար: Երբ ուսանողին ասում ես՝ արի դասադուլ , բայց չես ասում, թե դա ինչ է տալու և ինչ արդյունքների բերելու, նա չի ունենում շահագրգռվածություն թողնելու իր դասերը, վտանգելու իր կրթությունը հանուն անորոշության:

Առաջարկս հետևյալն է. նշանակել համապետական քաղաքացիական անհնազանդության օր և կոչ անել թե՛ դասադուլի, թե՛ գործադուլի: Իսկ տվյալ երթերը օգտագործել այդ միջոցառման մասին առավելագույնս իրազեկելու համար: Հարկավոր է կոչ անել բոլորին X օրը հենց առավոտվանից չգնալ ո՛չ դասի, ո՛չ աշխատանքի, ո՛չ էլ մնալ տանը, այլ գնալ Ազատության հրապարակ՝ որոշելու երկրի ապագան: Դա պիտի լինի սահմանագիծ, օր, երբ պետք է որոշվի Հայաստանի հետագա ընթացքը: Այդտեղ ներկա գտնվողները, հենց այդ օրը , հենց այդ վայրում կորոշեն Հայաստանի ապագան:

Արեգ Գևորգյան http://www.facebook.com/aregface/posts/538756886169396?comment_id=5977560&notif_t=feed_comment

Հստակությունը կկրկնապատկի և կեռապատկի փողոց դուրս եկողների թիվը

Ես դեռ չեմ գնալու Ազատության հրապարակ

Երբ գնում եմ Ազատության հրապարակ համոզված եմ, որ այնտեղ իմ կանգնելը զուր չի անցնում, ես գիտեմ որ իմ առաջնորդը ունի իմ և հազարավոր քաղաքացիները կանգնելը արդյունքների վարածելու հստակ ծրագիր, կարողություն: Ինքնագործունեությամբ չեմ զբաղվել: Կանգնել եմ որպեսզի ուժեղ լինեն իշխանությունը բռնազավթողին պահանջներ ներկայացնեղները:
Հավեսի համար Ազատության հրապարակ գնալը յուրաքանչյուրի գործն է, բայց հնարավոր չէ մեղադրել նրան, ով հավեսի համար չի ուզում գնալ Ազատության հրապարակ: Այո ժողովուրդն է այսօր ընդվզում, բայց ժողովորդը հրապարակում որոշում չի կայացնում և չի կայացնելու, ժողովորդը պետք է լսի հարթակում կանգնածներին, իսկ այս օրերի ընթացքում, ցավոք, հարթակին կանգնածները դեռևս միայն ցույց են տվել իրենց որոշումներ կայացնելու անկարողությունը և հրապարակում կանգնելը իրական արդյունքների վերածելու ունակության բացակայությունը:
Չեմ մեղադրում այն մարդկանց, որ ցանկանում են Րաֆֆի գործողություններում մտածված ծրագիր տեսնել, բայց ներկայացնել այդ պատկերացումները, որպես բացարձակ ճշմարտություն, կարծում եմ, արդար չէ, մանավանդ դրա հիման վրա կոչ անել ներկայանալ Ազատության հրապարակ՝ անվերապահորեն վստահելով Րաֆֆին: Րաֆֆին ինքը պիտի հստայկություն մցնի իր խոսքերի և գործերի մեջ, իսկ մինջ այդ ընդունեք, որ արդարացված են նաև հազարավոր մարդկան այն կարծիքները որ սա լուրջ չէ, որ սրանից գործարքի հոտ է գալիս, որ սա անձնական խնդիրնելի լուծում է և այլն:

Համոզված եմ, որ հստակությունը կկրկնապատկի և կեռապատկի փողոց դուրս եկողների թիվը...

Արեգ Գևորգյան  http://www.facebook.com/aregface

«Ամբիոն» հաղորդաշար.հյուրը` Արեգ Գևորգյան

Սերժ Սարգսյանի դեմ լայն ճակատ ձևավորելու բոլոր գործիքները Րաֆֆի Հովհաննիսյանի ձեռքերում են:

Ռաեժիմի դեմ պայքարում հարկավոր է բացառել վախը

Բռնությունները, ահաբեկումները, հարկային տեռորը քաղաքական հետապնդումները շարունակում են մնալ Սերժ Սարգսյանի գլխավորած հանցախմբի իշխանության մնալու միակ երաշխիքը:

Հայաստանի 1 ազատ քաղաքացի՝ Տիգրանը այսօր բանտում է, մյուս երեքը՝ Դավիթը, Սարգիսը, Արտակը այնտեղ հայտնվելու սպառնալիքի տակ են: Եվ սա արվում է մեկ նպատակով. կոտրել Հայաստանում օրինականությունը վերականգնելու համար պայքարողների ոգին, զսպել և վախեցնել նրանց: Բայց ռեժիմի դեմ պայքարում հաջողության հասնելու համար առաջին նախապայմանը՝ վախի բացառումն է և մենք պետք է ազատվենք դրանից:

Մենք արմատախիլ կանենք վախն ու հուսահատությունը, երբ կպարտադրենք ռեժիմին ազատ արձակել քաղբանտարկյալներին:

Կհանդիպենք 14:00-ին, Գլխավոր դատախազության շենքի դիմաց:

«Ընդդիմությունը» հրաժարվում է խոսել լրագրողների ներկայությամբ

Ի՞նչ ունի Ռաֆֆին թաքցնելու հավաքված ժողովրդից: Իշխանությունը առաջարկում է լրագրողների ներկայությամբ զրուցել, «ընդդիմությունը» հրաժարվում է: Իշխանություններին հրապարակային , ամբողջ ժողովրդի առջև պահանջներ ներկայացնելը և փակուղու առջև կանգնացնելը, աշխարհի յուրաքանչյուր անկյունում, յուրաքանչյուր ընդդիմաության երազանքն է: Իսկ Հայստանում քաղաքացիների վստահության քվեն ստացած թեկնածուն հրաժարվում է դա անել:

Մի բան է անհասկանալի, եթե Սերժ Սարգսյանը երեկ համաձայնվեր և Բաղրամյան 26-ից իջներ Ազատության հրապարակ, այդ ինչպես էր տեղի ունենալու իշխանության փոխանցումը ժողովրդին, որի համար էլ Ռաֆֆին պահանջում էր հանդիպում: Ի՞նչ, Ազատության հրապարակի ողջ բազմությանը պիտի ասեին ներող լինեք, բայց առանձին խոսալու բան ունենք: Էդ ի՞նչպես է իշխանությունը փոխանցվում ժողովրդին առանց ժողովրդի ներկայության:

Սա ֆարսի, սա ֆարս հանդիսացող ընտրությունների տրամաբանական շարունակությունն է:Սա գործարք է: Եվ միայն միամիտները կարող են մասնակցել քաղաքական այս առևտրին:

Արեգ Գևորգյան http://www.facebook.com/aregface

Վերջնական հաղթանակին հասնելու համար հարկավոր են մտածված, համաձայնեցված և միասնական գործողություններ

Եթե հաջորդ հինգ տարիներին Սերժ Սարգսյանը շարունակի երկրի կառավարումը, ապա անդառնելի և կործանարար հետևանքները կարող են անխուսափելի լինել: Մեզ սպասվում է անկում բոլոր ոլորտներում, սակայն ամենկարևորը անկախության վտանգումն է: Շատ հավանական է, որ տարբեր պատրվակներով բանտերում հայտնվեն մտածող և ազատության ձգտող քաղաքական գործիչները և ուղղակի քաղաքացիները, անխուսափելիորեն կարագանա Հայաստանի ողջ տնտեսության կենտրոնացումը Սերժ Սարգսյանի ու նրա ընտանիքի ձեռքերում, ինչը իր հերթին կբերի տնտեսական ցուցանիշների էլ ավելի նվազմանը, աղքատության ծավալների մեծացմանը և կխթանի արտագաղթի էլ ավելի մեծ ալիք: Մեզ սպասվում են աղետալի հետևանքներ ինչպես Հայաստանում, այնպես էլ Հայաստանից դուրս: Չի բացառվում, որ պատմաբանների հանձնաժողով ստեղծելուն համաձայնություն տված նախագահի պաշտոնը զբաղեցնողի ջանքերով, Հայաստանը ստիպված լինի ընդունել, որ 1915 թվականին տեղի ունեցածը ընդամենը քաղաքացիական փաքրիկ պատերազմ էր, որն ամենևին չի կարելի կոչել ցեղասպանություն: Ինչ վերաբերվում է Ղարաբաղյան խնդրին, ապա հակաժողովրդական ուժերի կողմից անդադար թալանվող Հայաստանը ուղղակի ի վիճակի չի լինելու դիմագրավել արտաքին մարտահրավերներին: Ներքին խնդիրների ծանրության տակ կքած Հայաստանի համար Ղարաբաղյան հարցը կարող է դառնալ ավելորդ, դեպի կործանարար պատերազմ տանող բեռ, որից ստիպված կլինի ուշ թե շուտ ազատվել: Այդպիսի թույլ Հայաստանը շատ շուտով ուղղակի ի վիչակի չի լինի պահպանել նաև սեփական անկախությունը:

Աղետից խուսափելու համար հարկավոր է ազատվել Սերժ Սարգսյանի գլխավորած հակաժողովրդական ուժերից, կազմակերպել ազատ խորհրդարանական և նախագահական ընտրություններ, դադարեցնել երկրի թալանը, վերացնել մենաշնորհները, ազատվել ստվերային տնտեսությունից, արմատախիլ անել կոռուպցիան, բացահայտել և խստագույն քրեական պատասխանատվության ենթարկել Հոկտեմբերի 27-ի և Մարտի 1-ի սպանդի կազակերպիչներին և կատարողներին, բացառելու համար հետագայում հանցավոր տարրերի նման արկածախնդրությունների միջոցով իշխանության գալու հնարավորությունը:

Ուստի՝ արդարացված պետք է համարել այս նպատակների իրագործմանն ուղղված ցանկացած գործողություն և առանց մեկ վայրկյան կասկածելու կանգնել ռեժիմի դեմ օրինական և հետևողական պայքար մղող ուժերի կողքին: Վերջնական հաղթանակին հասնելու համար հարկավոր են մտածված, համաձայնեցված և միասնական գործողություններ:

Աստված և նրա տված բանականությունը մեզ օգնական

Արեգ Գևորգյան  http://www.facebook.com/aregface

Ընտրեք Սերժին և կընտրեք Հոկտեմբերի 27-ից մինչև ցեղասպանության ուրացում

Զարմանալ կարելի է, թե ինչպես որոշ մարդիկ բացեիբաց, առանց կաշկանդվելու հայտարարում են, որ ընտրելու են Սերժ Սարգսյանին: Համոզված եմ, որ այս միտքն արտահայտողներն ուղղակի կամ անուղղակի իշխանական կերակրատաշտակից օգտվողներն են:
Նրանց, երևի թե, կարիք կա հիշեցնելու, որ ընտրելով Սերժ Սարգսյանին, նրանք ընտրում են չբացահայտված Հոկտեմբերի 27-ը, 10 գնդակահարվածներով Մարտի 1-ը, քաղաքական բանտարկությունները, քաղաքացիների ահաբեկումները, քաղաքական գործընթացներում օգտագործված բանակի բարոյահոգեբանական ծանր, զորամասերում սպանությունների և ինքնասպանությունների դրդող վիճակը, բարձրաստիճան պաշտոնյաների ու նրանց ընտանաիքի անդամների ամենաթողությունը, մենաշնորհները, աղքատության բարձրացող ցուցանիշը, արտագաղթի մեծացող ծավալները, պատմության դասագրքերի կեղծումը, ցեղասպանության ուրացումը և այլն:

Արեգ Գևորգյան http://www.facebook.com/aregface/posts/531848063526945?comment_id=5932736&notif_t=feed_comment

Հարցազրույց 7or.am կայքին

Սերժ Սարգսյանն է Հայաստանի գլխին ծառացած իրական չարիքը

Եթե ուշադիր լինեք, ապա կնկատեք, որ Ռոբերտ Քոչարյանի և Սերժ Սարգսյանի վերաբերյալ Լևոն Զուրաբյանի արված շատ դիպուկ համեմատությունը նյարդային ջղաձգումներ և վերլուծական մտքի ալեկոծումներ է առաջացրել հատկապես այն քարոզչակենտրոններում, որտեղ վերջին ամիսներին լծված են Քոչարյանի, որպես քաղաքական գործոնի վերակենդանացմամբ և Սերժ Սարգսյանի, որպես չարյաց փոքրագույնի ներկայացմամբ: Միքայել Մինասյանի (Միշիկի) «ետևորդներին», իհարկե, պետք է հնարավորինս պաշտպանեն Սերժ Սարգսյանին և փորձեն լղոզել քաղաքական դաշտը, սակայն իրականությունը մնում է նույնը. այո, հենց Սերժ Սարգսյանն է Հայաստանի գլխին ծառացած, այն իրական չարիքը, որից օր առաջ հարկավոր է ազատվել:

Արեգ Գևորգյան http://www.facebook.com/aregface/posts/530781793633572?ref=notif&notif_t=like

Անվավեր դարձնենք Սերժ Սարգսյանին

Ինչքան քարոզարշավը «թափ» է հավաքում, այնքան ավելի էս համոզվում, որ նախագահական ընտրություններն ուղղակի թատերական ներկայացում եմ: Իսկ այս ներկայացման նպատակը Սերժ Սարգսյանի լեգիտիմության խաբկանք ստեղծելն է:

Սակայն, կաևորն այստեղ այն է, որ տարբեր տեխնոլոգիաների միջոցով փորձ է արվում այս ֆարսին մասնակից դարձնել նաև քաղաքացիներին: Իշխանություններն իրենց քարոզչական ողջ ներուժով լծվել են «այլընտրանքային» թեկնածու ստեղծելու գործին: Եթե հաշվի չառնենք իշխանական տարբեր տրամաչափի գործիչների՝ Շարմազանովից մինչև Սերժ Սարգսյան, նախագահականից ուղղորդվող քարոզչամիջոցների կողմից հնչեցվող գովեստի խոսքերին «այլընտրանքային» թեկնածուների հասցեյին, ապա միայն «այլընտրանքայինների» որևէ կերպ չխոչընդոտվող քարոզարշավներն ապացույցն են այն բանի, որ այս թեկնածուները աշխատում են ոչ թե ի նպաստ ՀՀ քաղաքացիների, այլ ի օգուտ ռեժիմի վերարտադրման: Ու այստեղ կարևոր չէ, թե ինչ պատճառներով է դա արվում՝ ծախվածության, միամտության թե մեծամտության: Կարևորն այն է, որ բոլորը այս կամ այն կերպ լծված են Սերժ Սարգսյանի կողմից հերթական անգամ իշխանության զավթումը ավելի սահուն դարձնելու գործին:

Եթե առաջադրված թեկնածուների մեջ կան մարդիկ, որոնք չեն առաջնորդվել անձնական ինչ-որ շահերից ելնելով, այլ նպատակ ունեն իսկապես ազատվելու Հայաստանը բռնազավթած հանցագործներից, ապա օր առաջ պետք է դադարեցնեն Սերժ Սարգսյանի լեգիտիմացման գործընթացը և հայտարարեն իրենց թեկնածությունը հանելու մասին:

Ամեն դեպքում Սերժ Սարգսյանը կատարելու է իր թվանկարչությունն ու «հաղթելու» է այս ընտրություններում, բայց մենք կարող ենք արժեզրկել այդ հաղթանակը՝ մերժելով ու չհնազանդվելով ֆարսին: Քաղաքացիական անհնազանդության լավագույն տարբերակը այս պարագայում քվեաթերթիկները անվավեր դարձնելն է, որը անձամբ ես և բազամթիվ իմ ընկերներ իրականացնելու ենք:

Դարձնենք Սերժ Սարգսյանին անվավեր և կհանդիպենք Մարտի 1-ին Ազատության հրապարակում

Արեգ Գևորգյան
http://www.facebook.com/aregface/posts/527402710638147?notif_t=like

Անվավեր ընտրություններ

Այս տարի՝ առաջին անգամ մասնակցելու եմ Հայաստանի Հանրապետության նախագահի ընտրություններին:Սակայն 2010թ-ից սկսած ակտիվորեն մասնակցել եմ գրեթե բոլոր ընտրություններին՝որպես դիտորդ կամ վստահված անձ: Այս բոլոր ընտրություններին տեղամասերում ուժերիս ներածին չափով փորձել եմ կանխել ընտրակեղծիքները:

Նկատելի է, որ գնալով ընտրակեղծքիները կատարելագործվում են, պարզից`լցոնում, վստահված անձի խոշտանգում, ընտրական արկղների հափշտակում, իշխանությունները անցել են ավելի բարդի՝ «շրջիկ խմբերի» միջոցով անօրինական ընտրության կազմակերպում, հազարավոր կեղծ անձնագրերի օգտագործում, կաշառքի բազմազանություն (օրինակ՝ Հրազդանի քաղաքապետի ընտրությունների ժամանակ կաշառքը տրվում էր էլեկտրոէներգիայի համար մուծված կտրոններով, որը բաժանում էին էլեկտրիկները, հետևաբար գրեթե անհնարին էր կանխել ընտրախախտումը):

Կարծում եմ այս վերջին ընտրություններից հետո, թե՛ հասարակությանը, թե՛ քաղաքական ուժերին պարզ դարձավ, որ հնարավոր չէ տեղամասերում հսկողություն սահմանելով՝ կանխել ընտրախախտումները, քանի որ, ինչպես ընդունված է ասել «ամեն ինչ դրսում է արվում ու մեծամասամբ նախօրոք»: Արդյունքում, խորհրդարանական բոլոր ընդդիմադիր կուսակցությունները, բացառությամբ «Ժառանգության», չառաջադրեցին նախագահի իրենց թեկնածուին և սա, ըստ իս, ուղերձ էր հասարակությանը:

Ընտրություններին շատ քիչ ժամանակ է մնացել, ու հարց է առաջանում թե ինչ է պետք անել ընտրության օրը: Տարբերակները մի քանիսն են, կամ չգնալ ընտրատեղամաս, այլ կերպ ասած բոյկոտել, որը կարծում եմ արդյունավետ չէ մեր երկրում, քանի որ իշխանությունները խախտումներով ապահովելու են ընտրողների մասնակցության թիվը, հետևաբար իրական ընտրողների բացակայությունը չի նկատվի ու չի խանգարի Սերժ Սարգսյանի վերարտադրմանը: Կամ գնալ և ընտրել որևէ այլ թեկնածուի, սակայն դա կնպաստի սպասվող խայտառակ ընտրությունների լեգիտիմացմանը, քանի որ, եթե Սերժ Սարգսյանը հաղթի քիչ թե շատ ձայն ունեցող թեկնածուի, կկարողանա պնդել,որ հաղթել է լուրջ մրցակցի և, որ ընտրությունները նորմալ ընթացք են ունեցել: Այսպիսով, մնում է ընտրաթերթիկը անվավեր անելու տարբերակը, որով ես կկարողանամ բարձրաձայնել իմ բողոքը, այս անօրինական իշխանությունների դեմ: Հետևաբար, մենք մեր ընտրությունը պետք է անենք հրապարկում այլ ոչ թե ընտրատեղամասում:


Իմ քվեաթերթիկի վրա գրված է լինելու՝ կհանդիպենք մարտի մեկին Ազատության հրապարակում:


Տաթևիկ Պողպատյան  

http://www.facebook.com/notes/%D5%BF%D5%A1%D5%A9%D6%87%D5%AB%D5%AF-%D5%BA%D5%B8%D5%B2%D5%BA%D5%A1%D5%BF%D5%B5%D5%A1%D5%B6/%D5%A1%D5%B6%D5%BE%D5%A1%D5%BE%D5%A5%D6%80-%D5%A8%D5%B6%D5%BF%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80/571734586188655

Հայաստանի միջազգային վարկն ընկավ 2008-ի իշխանության բռնազավթումից, այլ ոչ թե 2013-ի նախընտրական կրակոցներից

Մարդիկ, որոնք հայտնի կրակոցների վերաբերյալ հասարակությունից զսպվածություն են պահանջում, ավելորդ լարվածություն չստեղծելու և Հայաստանի միջազգային վարկին հարված չհասցնելու պատրվակով, առնվազն ազնիվ չեն իրենց լսողների կամ կարդացողների նկատմամբ:

Հայաստանի միջազգային վարկը շատ ավելի վաղուց, նույն այս մարդկանց համառ լռության պայմաններում հավասարվեց աֆրիկյան ամենահետմնաց երկրների վարկին, երբ Մարտի 1-ին Հայաստանում իշխանությունը բռնազավթվեց առնվազն տաս քաղաքացիների սպանության գնով:

Իսկ ինչ վեաբերվում է լարվածությանը, ապա հակաժողովրդական իշխանության հանցավոր կառավարման պայմաններում լարվածությունը լիովին բնական և արդարացված երևույթ է, ինչպես բնական և արդարացված է նաև նույն այդ իշխանությունների սարսափը լարվածությունից:

Արեգ Գևորգյան http://www.facebook.com/aregface/posts/521637961214622?notif_t=like

Թիվ մեկ կասկածյալը՝ Սերժ Սարգսյանի հանցախումբն է

Մտահոգության տեղիք պետք է տա ոչ թե տեղի ունեցածը, կամ մահափորձը իրականացնողի կամ պատվիրողի անունը, այլ այն, որ եթե անգամ պարզվի, որ ոճրագործության հեղինակը կրկին իշխանություններն են, որևէ մեկը դժվար թե զարմանա:

Իսկապես, ինչո՞ւ մենք պետք է զարմանանք, եթե պարզվի որ Մարտի 1-ի սպանդը իրականացրած, 10 քաղաքացի գնդակահարած, երկիրը թալանած, ցեղասպանությունը ուրացած, պատգամավորների գախտնալսումներ կազմակերպած և այս ամենը չհադուրժող երիտասարդներին բանտ նետած ռեժիմը կարող է ինչ-որ կերպ կաշկանդված լինել թեկնածուներից որևէ մեկի նկատմամբ այսպիսի ոտընձգություն կազմակերպելուց:

Իհարկե, սա ոչ մեկ չի բացառելու, իհարկե, այստեղ թիվ մեկ կասկածյալը Սերժ Սարգսյանի հանցախումբն է և իհարկե, այս կասկածները չեն կարող փարատվել, քանի դեռ բացահայտված չեն այս և մնացած բոլոր ՀՀ-ի դեմ գործած հանցագործությունները:

Արեգ Գևորգյան

Կրակոցների պատասխանատուն ապահով Հայաստան խոստացողն է

Ամեն դեպքում, հարկավոր է փաստել, որ երեկվա կրակոցները ընտրությունների նկատմամբ հետաքրքրություն առաջացրեցին և այդպիսով որոշակի լուծում ստացավ Սերժ Սարգսյանի համար գլխացավանք դարձած նախագահական ընտրությունների նկատմամբ քաղաքացիների անտարբերության խնդիրը:
Միանշանակ է նաև, որ անկախ այն հանգամանքից, թե մահափորձը, իսկ ավելի ճիշտ՝ վիրավորելու փորձը ում կողմից էր իրականացված կամ պատվիրված, դրա առաջին պատասխանատուն ապահով Հայաստան խոստացողն է:

Արեգ Գևորգյան